टी २० वर्ल्डकपसाठी पाकिस्तान संघात तीन बदल; दिग्गज खेळाडूला मिळाली संधी

युएईत १७ ऑक्टोबरपासून १४ नोव्हेंबरपर्यंत टी २० विश्वचषक स्पर्धा रंगणार आहे. या स्पर्धेसाठी पाकिस्तान संघानं मोर्चेबांधणी केली आहे. पाकिस्तानचा संघ ग्रुप २ मध्ये असून २४ ऑक्टोबरला भारताविरुद्ध सामना आहे. त्यामुळे पाकिस्ताननं आपल्या संघात तीन बदल केले आहेत. पाकिस्तान क्रिकेट बोर्डाने ट्विटरवरून ही माहिती दिली आहे. संघात हैदर अली, सरफराज अहमद आणि फखर जमानला सहभागी केलं आहे. ४ सप्टेंबरला घोषित केलेल्या संघात पाकिस्तान लीगमधील खेळाडूंच्या कामगिरीच्या आधारावर बदल करण्यात आला आहे.