IND vs ENG 2nd T20I Highlights in Marathi: तिलक वर्माच्या विजयी चौकारासह भारताने इंग्लंडविरूद्ध दुसऱ्या टी-२० सामन्यात रोमहर्षक विजय मिळवला. भारताला विजयासाठी १६६ धावांचं आव्हान मिळालं होतं. लक्ष्याचा पाठलाग करताना भारताकडून तिलक वर्माने महत्त्वपूर्ण ७२ धावांची नाबाद खेळी केली. एका टोकाकडून जिथे सातत्याने विकेट पडत होते तिथे तिलकने दुसऱ्या टोकाकडून पाय घट्ट रोवत महत्त्वपूर्ण कामगिरी केली. या खेळीच्या जोरावर तिलकने आंतरराष्ट्रीय टी-२० मध्ये मोठा विक्रम आपल्या नावे केला.
दक्षिण आफ्रिकेत सलग दोन शतकं झळकावल्यानंतर तिलक वर्मा टी-२० क्रिकेटमध्ये एकमागून एक उत्कृष्ट खेळी करत आहे. तिलक वर्माने टी-२० आंतरराष्ट्रीय क्रिकेटमध्ये गेल्या ४ डावांमध्ये एकदाही बाद झालेला नाही. त्याने नाबाद राहत १०७, १२० आणि १९* आणि ७२* धावांची खेळी केली. अशाप्रकारे त्याने आत्तापर्यंत नाबाद राहत एकूण ३१८ धावा केल्या आहेत.
T20 आंतरराष्ट्रीय स्पर्धेत पूर्ण सदस्य संघातील खेळाडू म्हणून हा आकडा गाठणारा तिलक हा पहिला खेळाडू ठरला आहे. या बाबतीत तिलकने न्यूझीलंडचा खेळाडू मार्क चॅपमनचा विक्रम मोडला आहे, ज्यात तो चार डावात २७१ धावा करून बाद झाला होता. याशिवाय या यादीत एरॉन फिंचचे नावही आहे, ज्याने दोन डावात एकूण २४० धावा केल्यानंतर तो बाद झाला होता.
तिलक वर्माने इंग्लंड विरुद्ध ५५ चेंडूत ४ चौकार आणि ५ षटकारांच्या मदतीने ७२ धावांची महत्त्वपूर्ण खेळी केली. तिलक वर्मा शेवटपर्यंत मैदानात टिकून राहिला आणि भारताला ४ चेंडू शिल्लक असताना २ विकेट्सने मोठा विजय मिळवून दिला. तिलकच्या या कामगिरीसाठी त्याला सामनावीराचा पुरस्कारही मिळाला. तर कर्णधार सूर्यकुमार यादवने खाली वाकून त्याला सलाम केला.
तिलक वर्माने इंग्लंड विरुद्ध ५५ चेंडूत ४ चौकार आणि ५ षटकारांच्या मदतीने ७२ धावांची महत्त्वपूर्ण खेळी केली. तिलक वर्मा शेवटपर्यंत मैदानात टिकून राहिला आणि भारताला ४ चेंडू शिल्लक असताना २ विकेट्सने मोठा विजय मिळवून दिला. तिलकच्या या कामगिरीसाठी त्याला सामनावीराचा पुरस्कारही मिळाला. तर कर्णधार सूर्यकुमार यादवने खाली वाकून त्याला सलाम केला.
T20I मध्ये नाबाद राहत सर्वाधिक धावा करणारे खेळाडू (पूर्ण सदस्य संघ)
३१८* तिलक वर्मा (१०७, १२०, १९, ७२)
२७१ मार्क चॅपमन (६५, १६, ७१, १०४, १५)
२४० एरोन फिंच (६८, १७२) २४० श्रेयस अय्यर (५७, ७४, ७३, ३६)
२३९ डेव्हिड वॉर्नर (१००, ६०, ५७, २, २०)
