श्रीलंकेचा धडाकेबाज सलामीवीर तिलकरत्ने दिलशानच्या पोटरीचे स्नायू गुरुवारी भारताविरुद्धच्या उपांत्य सामन्यात दुखावल्यामुळे त्याला फलंदाजी करताना माघारी परतावे लागले होते. आता २८ जूनपासून वेस्ट इंडिजमध्ये होणाऱ्या तिरंगी एकदिवसीय स्पध्रेतून दिलशानला माघार घ्यावी लागली आहे. श्रीलंकेच्या संघ प्रवक्त्याने दिलेल्या माहितीनुसार, दिलशानला दुखापतीतून सावरण्यासाठी किमान चार ते आठ आठवडय़ांचा अवधी लागेल. दिलशानऐवजी बदली खेळाडूची घोषणा लवकरच करण्यात येईल.