आफ्रिकेत विराटने कर्णधार आणि फलंदाज या भूमिकांमध्ये समन्वय साधणं गरजेचं – सौरव गांगुली

अवश्य वाचा – IPL Retention: विराट कोहली ठरला आयपीएल इतिहासातील सर्वात महागडा खेळाडू

टाइम्स ऑफ इंडिया या वृत्तपत्रासाठी लिहीलेल्या कॉलममध्ये सौरव गांगुलीने विराटला कर्णधार आणि फलंदाज या दोन भूमिकांमध्ये समन्वय साधणं गरजेचं असल्याचं म्हणलं आहे. “आफ्रिका दौऱ्यात विराट कोहली कसा खेळ करतो यावर अनेक गोष्टी अवलंबून राहणार आहेत. कर्णधार या नात्याने विराटचा आफ्रिकेचा पहिलाच दौरा असल्यामुळे एक फलंदाज आणि कर्णधार या दोन भूमिकांमध्ये समन्वय साधणं विराटसाठी गरजेचं आहे. अॅडलेड आणि सिडनीमध्ये विराटची कर्णधार म्हणून कामगिरी ही उल्लेखनीय राहिलेली आहे. त्यामुळे त्याचा हा फॉर्म आफ्रिकेतही कायम राहिली अशी अपेक्षा आहे.”

२०१७ हे वर्ष भारतासाठी चांगलं गेलेलं आहे. त्यामुळे आफ्रिकेत त्यांचा हा फॉर्म कायम रहावा अशी अनेकांची अपेक्षा असेल. मात्र दक्षिण आफ्रिकेत विजय मिळवणं तितकसं सोप नाही. मात्र भारतीय संघाचा सध्याचा फॉर्म पाहता हा कारनामा ते सहज करतील, असंही गांगुलीने नमूद केलं. याचसोबत आफ्रिकेत हार्दिक पांड्याला अधिकाधिक संधी मिळणं गरजेचं असल्याचंही गांगुली म्हणाला. दक्षिण आफ्रिकेत भारताला विजयी कामगिरी करायची असेल तर खेळपट्टी पाहून योग्य संघ निवड करणही गरजेचं असल्याचं गांगुलीने नमूद केलं.