भारताला कुस्तीमध्ये रौप्य, तर हॉकीत कांस्य

मनप्रीत सिंगच्या नेतृत्वाखाली खेळणाऱ्या हॉकीतील शिलेदारांनी बलाढ्य जर्मनीला ५-४ असे नेस्तनाबूत केले. त्यामुळे १९८०च्या मॉस्को ऑलिम्पिकनंतर भारताला पदकाचे दर्शन घेता आले. राष्ट्रीय खेळातील या कामगिरीमुळे देशभरात आनंदाचे वातावरण होते.

कुस्तीमधील ५७ किलो वजनी गटाच्या अंतिम फेरीत रशियन ऑलिम्पिक समितीच्या झॅव्हूर युग्येव्हने रवीला ७-४ असे नमवले. त्यामुळे भारताचा ऑलिम्पिकमधील पहिल्या सुवर्णपदकाचा शोध अद्याप कायम आहे. मात्र एकूण पाच पदकांसह भारताने २०१२च्या लंडन ऑलिम्पिकमधील सहा पदकांच्या विक्रमाला मागे टाकण्याच्या दिशेने वाटचाल केली आहे.

पदकविजेते…

• मीराबाई चानू (वेटलिफ्टिंग)
• पी. व्ही. सिंधू (बॅडमिंटन)
• लवलिना बोर्गोहाइन (बॉक्सिंग)
• भारतीय पुरुष संघ (हॉकी)
• रवी कुमार दहिया (कुस्ती)