ट्विटर इफेक्ट: पीटरसनच्या रखडलेल्या व्हिसा अडचणींवर त्वरित हालचाली

इंटरनेटवरील सोशल नेटवर्कींक साईट ट्विटरचा वापर करून इंग्लंडचा माजी कर्णधार केवीन पीटरसनने आपल्या भारतीय व्हिसा संबंधिची अडचण त्वरित सोडविली. ट्विटर इफेक्ट केवीनसाठी चांगलाच उपयोगी ठरला.
भारतीय व्हिसा मिळविण्यासंबंधी अडचणींना सामोरे जावे लागत असल्याचे ट्विट पीटरसनने पोस्ट केले आणि लगेच काही तासांत केवीनच्या अडचणी दूर झाल्या. केवीनने आपल्या @KP24 या ट्विटर निर्देशकावरून इंग्लंडमधील भारतीय दूतावासात आपला व्हिसा गेल्या दहा दिवसांपासून काही कारणास्तव वेगवेगळ्या खस्ता खात असल्याचे ट्विट केले होते. एका दिवसात होणारे काम दहा दिवस उलटून गेले तरी झाले नसल्याने नाराज पीटरसनने ट्विटरवरून मदतीची हाक दिली. या ट्विटमध्ये पीटरसनने परराष्ट्र मंत्रालयालाही(@MEAIndia) नमूद केले होते