Shootings ahead of football world cup opening: न्यूझीलंडमधील ऑकलंडमध्ये झालेल्या गोळीबारात दोघांचा मृत्यू झाला. न्यूझीलंडच्या पंतप्रधानांनी सांगितले की, गुरुवारी महिला फुटबॉल विश्वचषक सुरू होण्यापूर्वी मध्य ऑकलंडमध्ये झालेल्या गोळीबारात दोन जण ठार झाले. मात्र, हा राष्ट्रीय सुरक्षेच्या धोक्याशी निगडीत विषय नसून स्पर्धेच्या नियोजनानुसारच स्पर्धा सुरू होईल, असे ते म्हणाले. पोलिसांनी हल्लेखोराला ठार केले आहे.
पंतप्रधान ख्रिस हिपकिन्स यांनी न्यूझीलंडमधील गोळीबारावर शोक व्यक्त केला. नियोजनानुसार स्पर्धा पुढे होईल, असे ते म्हणाले. वृत्तसंस्थेनुसार, एका बांधकामाच्या ठिकाणी झालेल्या गोळीबारात पोलीस अधिकाऱ्यांसह सहा जण जखमी झाले आहेत. न्यूझीलंड आणि ऑस्ट्रेलिया एकत्र या स्पर्धेचे आयोजन करत आहेत.
सर्व खेळाडू आणि कर्मचारी सुरक्षित –
ऑकलंडमधील ईडन पार्क येथे महिला फुटबॉल विश्वचषकाच्या उद्घाटन सामन्याच्या काही तास आधी, शहराच्या मध्यभागी असलेल्या एका गजबजलेल्या रस्त्यावर गोळीबार झाला आहे. न्यूझीलंडच्या पंतप्रधानांनी एक विधान जारी केले की ते राष्ट्रीय सुरक्षेला धोका नाही. याशिवाय ऑकलंडमध्ये उपस्थित असलेल्या अमेरिकेच्या राष्ट्रीय संघाने एक निवेदन जारी केले की त्यांचे सर्व खेळाडू आणि कर्मचारी सुरक्षित आहेत.
पोलिसांकडून सांगण्यात आले की, हल्लेखोराने बांधकाम साईटजवळ बंदूक नाचवत पुढे जात गोळीबार सुरू केला. आरोपींच्या बाजूने अनेक राउंड फायर करण्यात आले. काही वेळाने पोलिसांनी त्याला ठार केले.
न्यूझीलंडच्या पंतप्रधानांनी सांगितले की, मध्य ऑकलंडमधील लोअर क्वीन सेंटवरील इमारतीवर एक गोळीबार करत असल्याची तक्रार एका प्रत्यक्षदर्शीने फोन करुन पोलिसांना दिली. यानंतर पोलीस घटनास्थळी पोहोचले. या गोळीबारात दोन जणांचा मृत्यू झाला आहे, हे अत्यंत दुःखाने सांगावे लागत आहे. या घटनेत अन्य सहा जण जखमी झाल्याचे पंतप्रधानांनी सांगितले. त्यांना ऑकलंड रुग्णालयात नेण्यात आले आहे.
हेही वाचा – ENG vs AUS 4th Test: मार्क वुडच्या धारदार गोलंदाजीसमोर स्टीव्ह स्मिथची रणनीती ठरली फेल, पाहा VIDEO
हल्लेखोर शॉटगनने सज्ज होता –
पंतप्रधानांच्या वक्तव्यानुसार, हल्लेखोराकडे पंप अॅक्शन शॉटगन होती. इमारतीच्या वर पोहोचल्यावर त्याने स्वतःला लिफ्टमध्ये कोंडून घेतले. मी धाडसी न्यूझीलंड पोलिस कॉन्स्टेबल आणि महिलांचे आभार मानू इच्छितो, ज्यांनी इतरांचे प्राण वाचवण्यासाठी स्वतःला पुढे केले. सरकारने आज सकाळी फिफा आयोजकांशी चर्चा केली आहे आणि स्पर्धा नियोजित प्रमाणे पुढे जाईल. राष्ट्रीय सुरक्षेला कोणताही व्यापक धोका नाही हे मी पुन्हा सांगू इच्छितो. असे दिसते की या एकाच व्यक्तीच्या कृती आहेत. मी ऑकलंड, ऑकलंडर्स आणि जगभरातील लोकांना सांगू इच्छितो की पोलिसांनी हा धोका निष्फळ केला आहे.
