मुंबईकर पुण्यावर भारी

मुंबई आणि पुणे या सख्या शेजाऱ्यांमध्ये रंगलेल्या प्रो कबड्डी स्पर्धेच्या मुकाबल्यात यू मुंबा संघाने पुणेरी पलटणचा ४४-२८ असा धुव्वा उडवला. अन्य लढतीत प्रेक्षकांचा पाठिंबा असूनही घरच्या मैदानावर दबंग दिल्ली संघाला पराभवाला सामोरे जावे लागले. पाटणा पायरेट्स संघाने दिल्लीवर ३६-३१ अशी मात केली.  यू मुंबईच्या शबीर पथपालेमला सवरेत्कृष्ट चढाईपटूच्या तर जीवा कुमारला सवरेत्कृष्ट बचावपटूच्या पुरस्काराने गौरवण्यात आले. जबरदस्त फॉर्मात असलेल्या यू मुंबा संघाने ९-१ अशी दमदार आघाडी घेतली. मध्यंतरापर्यंत त्यांनी ही आघाडी १८-१७ अशी वाढवली. दुसऱ्या सत्रात पुणेरी पलटणच्या कमकुवत बचावाचा फायदा उठवत यू मुंबाने झंझावाती खेळ करत विजय साकारला. या विजयासह यू मुंबा संघाने २८ गुणांसह गुणतालिकेत अव्वल स्थान कायम राखले. दिल्ली-पाटणा लढतीत वासीम साजीदला सवरेत्कृष्ट बचावपटू तर रवी दलाल सवरेत्कृष्ट चढाईपटू पुरस्काराने सन्मानित करण्यात आले.