Rehmanullah Gurbaz making fun of Rinku Singh : भारत आणि अफगाणिस्तान यांच्यात तीन सामन्यांची टी-२० मालिका खेळवली जात आहे. टीम इंडियाने मालिकेतील पहिल्या सामन्यात शानदार विजयाची नोंद केली. आता दुसरा सामना इंदूरमध्ये होणार आहे. या सामन्यानंतरचा एक मनोरंजक व्हिडिओ सोशल मीडियावर शेअर करण्यात आला आहे. यामध्ये अफगाणिस्तानचा खेळाडू रहमानउल्ला गुरबाज फ्लाइटमध्ये रिंकू सिंगची मस्करी करताना दिसत आहे.
कोलकाता नाईट रायडर्सने इंस्टाग्रामवर एक व्हिडीओ शेअर केला आहे. यामध्ये टीम इंडिया आणि अफगाणिस्तानचे खेळाडू दिसत आहेत. रिंकू सिंग फ्लाइटमध्ये झोपलेला दिसत आहे. दरम्यान, अफगाणिस्तानचा खेळाडू गुरबाज त्याच्या जवळ जातो आणि बोटाने रिंकूच्या नाकाला स्पर्श करतो. रिंकूला हे जाणवताच तो अचानक झोपेतून जागा होत. यानंतर गुरबाज रिंकूच्या डोक्यावर आणि चेहऱ्यावर प्रेमाने हात फिरवतो. या व्हिडीओवर चाहत्यांच्या अनेक प्रकारच्या प्रतिक्रिया पाहायला मिळत आहेत.
उल्लेखनीय आहे की, टी-२० मालिकेतील पहिल्या सामन्यात भारताने अफगाणिस्तानचा ६ गडी राखून पराभव केला होता. अफगाणिस्तानने प्रथम फलंदाजी करताना १५८ धावा केल्या होत्या. अफगाणिस्तानसाठी सलामीवीर गुरबाजने २८ चेंडूंचा सामना करताना २३ धावा केल्या होत्या. त्याने दोन चौकार आणि एक षटकार लगावला. प्रत्युत्तरात टीम इंडियाने १७.३ षटकांतच लक्ष्य गाठले. भारताकडून रिंकूने ९ चेंडूंचा सामना करताना नाबाद १६ धावा केल्या. रिंकूने २ चौकार मारले होते. आता मालिकेतील दुसरा सामना इंदूरमध्ये होणार आहे. या मालिकेच्या प्लेइंग इलेव्हनमध्ये रिंकूचे स्थान जवळपास निश्चित झाले आहे.
हेही वाचा – कोण आहे जम्मू-काश्मीरचा पॅरा क्रिकेटर आमिर हुसैन लोन? ज्याच्या व्हिडीओने सचिन तेंडुलकरही झाला प्रभावित
भारतीय संघ : रोहित शर्मा (कर्णधार), यशस्वी जैस्वाल, शुभमन गिल, तिलक वर्मा, रिंकू सिंग, संजू सॅमसन (यष्टीरक्षक), अक्षर पटेल, अर्शदीप सिंग, आवेश खान, कुलदीप यादव, मुकेश कुमार, जितेश शर्मा, वॉशिंग्टन सुंदर, शिवम दुबे, रवी बिश्नोई
हेही वाचा – IND vs ENG : राहुल द्रविडच्या वक्तव्यावर इशान किशनने दिली प्रतिक्रिया, VIDEO शेअर करून दिले उत्तर
अफगाणिस्तान संघ : हजरतुल्ला झाझाई, रहमानउल्ला गुरबाज (यष्टीरक्षक), इब्राहिम झाद्रान (कर्णधार), नजीबुल्ला झाद्रान, मोहम्मद नबी, अजमतुल्ला उमरझाई, मुजीब उर रहमान, शराफुद्दीन अश्रफ, कैस अहमद, नवीन-उल-हक, फजलहक फारुकी, नूर अहमद, मोहम्मद सलीम साफी, करीम जनात, इकराम अलीखिल, फरीद अहमद मलिक, रहमत शाह, गुलबदिन नायब
