Mohammad Rizwan offering Namaz Video Viral: पाकिस्तानने आयसीसी विश्वचषक २०२३ मध्ये विजयाने आपल्या मोहिमेची सुरुवात केली आहे. हैदराबादच्या राजीव गांधी आंतरराष्ट्रीय स्टेडियमवर शुक्रवारी, ६ ऑक्टोबर रोजी झालेल्या सामन्यात नेदरलँड्सचा सहज पराभव केला. पाकिस्तानने हा सामना ८१ धावांनी जिंकला. नेदरलँड्सने गोलंदाजीत चांगली कामगिरी करत पाकिस्तानला २८६ धावांत गुंडाळले. मात्र, त्यांना फलंदाजीत विशेष काही करता आले नाही. नेदरलँडचा संघ २०५ धावांवर ऑलआऊट झाला. दरम्यान या सामन्यातील मोहम्मद रिझवानचा एक व्हिडीओ व्हायरल होत आहे.
दरम्यान, व्हायरल होत असलेल्या व्हिडिओत रिझवानने सामन्यादरम्यान नमाज अदा केल्याचा दावा केला जात आहे. मात्र, रिझवानचा मैदानावर नमाज पठण करण्याचा व्हिडिओ पहिल्यांदाच समोर आला नाही. भारताविरुद्धच्या टी-२० विश्वचषकातही रिझवान नमाज पठण करतानाचा व्हिडिओ समोर आला होता. मॅचमध्ये ड्रिंक्स ब्रेक दरम्यान रिझवानने नमाज अदा केल्याचे व्हिडिओमध्ये बोलले जात आहे. मात्र, या व्हिडिओला दुजोरा मिळालेला नाही.
या व्हिडीओमध्ये पाकिस्तानी खेळाडू विश्रांती घेत असून रिझवान नमाज अदा करत असल्याचे दिसत आहे. त्तत्पूर्वी एक काळ असा होता की पाकिस्तानी संघ अडचणीत आला होता. त्यांच्या अव्वल क्रमांकाच्या तीन विकेट्स पडल्या असताना बोर्डावर केवळ ३८ धावा होत्या. फखर जमान, बाबर आझम आणि इमाम-उल-हक बाद झाले होते. यानंतर रिजवानने सौद शकीलच्या साथीने १२० धावांची भागीदारी केली. रिझवानने ७५ चेंडूत ६८ आणि ५२ चेंडूत ६८ धावा केल्या. सौद शकीलला त्याच्या खेळीसाठी सामनावीर म्हणून निवडण्यात आले.
मोहम्मद रिझवान आणि सौद शकीलने झळकावली अर्धशतकं –
एकदिवसीय विश्वचषकाच्या पदार्पणाच्या सामन्यात मोहम्मद रिझवान आणि सौद शकील यांनी अर्धशतकं झळकावली. विश्वचषकाच्या पदार्पणाच्या सामन्यात दोन फलंदाजांनी एकत्र अर्धशतके झळकावून एका खास क्लबमध्ये स्थान मिळवले. यापूर्वी, दोनदा पाकिस्तानच्या दोन खेळाडूंनी वनडे विश्वचषक पदार्पणाच्या एकाच सामन्यात अर्धशतकं झळकावली होती. या सामन्यात मोहम्मद रिझवान आणि सौद शकील यांनी ६८-६८ धावांची खेळी केली.
हेही वाचा – Asian Games: भारतीय पुरुष क्रिकेट संघाने पटकावले सुवर्णपदक, अफगाणिस्तानला खराब रॅकिंगचा बसला फटका
पाकिस्तानसाठी विश्वचषक पदार्पणात सर्वोच्च धावसंख्या नोंदवणारे फलंदाज –
८२ – मोहसीन खान विरुद्ध श्रीलंका, १९८३
७८* – असद शफीक विरुद्ध झिम्बाब्वे, २०११
७६ – रमीझ राजा विरुद्ध श्रीलंका, १९८७
७१ – उमर अकमल विरुद्ध केनिया, २०११
६८ – मोहम्मद रिझवान विरुद्ध नेदरलँड्स, २०२३
६८ – सौद शकील विरुद्ध नेदरलँड्स, २०२३
