VIDEO: “कायलियन एमबाप्पेचे फ्रान्सपेक्षा भारतात जास्त चाहते”, पीएम मोदींकडून फुटबॉलपटूचे कौतुक

पंतप्रधान नरेंद्र मोदी यांनी फ्रान्सच्या राष्ट्रीय फुटबॉल संघाचा कर्णधार कायलियन एमबाप्पेच्या वाढत्या लोकप्रियतेवर विशेषत: भारतीय चाहत्यांमध्ये प्रकाश टाकला. वृत्तसंस्था एएनआयने पीएम मोदींच्या हवाल्याने म्हटले आहे की, फ्रेंच फुटबॉलपटू किलियन एमबाप्पे भारतातील तरुणांमध्ये सुपरहिट आहे. भारतात येऊन त्याची लोकप्रियता बघा…. कायलियन एमबाप्पेचे फ्रान्सपेक्षा भारतात जास्त चाहते आहेत.

आणखी वाचा

Jasprit Bumrah : तबरेझ शम्सीच्या पोस्टने क्रिकेट विश्वाला दिला आश्चर्याचा धक्का! जसप्रीत बुमराहबरोबर घडला असा योगायोग की विश्वासच बसणार नाही

Nana Patole : निकालाआधी राजकीय घडामोडींना वेग; यातच…

वसई : वेळ कमी मागणी भरपूर, देवेंद्र फडणवीस यांचा चित्रफितीद्वारे प्रचार

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

Devendra Fadnavis : “मी व्हिडिओ बाहेर दिले नाहीत, ज्यात…”, ‘त्या’ दाव्यावर देवेंद्र फडणवीसांचं विधान

KL Rahul: “मैदानावर जे काही घडलं ते फार चांगलं…”, संजीव गोयंका भर मैदानात भडकल्याच्या घटनेवर केएल राहुलने पहिल्यांदाच केलं वक्तव्य

VIDEO: भरसभेत नितीश कुमार पाया पडायला गेले अन् नरेंद्र मोदींनी…; नेमकं काय घडलं?

पंतप्रधान नरेंद्र मोदी यांनी असे म्हणताच सभागृहात उपस्थित सर्वांनी टाळ्या वाजवल्या. पंतप्रधान मोदींनी आपल्या भाषणात स्विस टेनिसपटू रॉजर फेडररचाही उल्लेख केला. एएनआयने आपल्या ट्विटर हँडलवर याबाबतचा एक व्हिडीओ शेअर केला आहे. खालील व्हिडिओमध्ये, तुम्ही पंतप्रधान मोदींना एमबाप्पेच्या लोकप्रियतेबद्दल बोलताना आणि भारतीय समुदायातील लोक टाळ्या वाजवताना देखील पाहू शकता.

कायलियन एमबाप्पे हा आंतरराष्ट्रीय स्तरावरील सर्वात लोकप्रिय फुटबॉल खेळाडूंपैकी एक आहे. फिफा विश्वचषक २०२२ च्या अंतिम सामन्यात अर्जेंटिनाविरुद्धच्या हॅट्ट्रिकने जगभरात त्याच्या लोकप्रियतेत भर पडली. आपल्या भाषणात पंतप्रधान मोदींनी भारताचा वेगवान विकासही अधोरेखित केला. जग एका नव्या व्यवस्थेकडे वाटचाल करत असताना भारताची शक्ती आणि भूमिकाही झपाट्याने बदलत असल्याचे पंतप्रधान मोदी म्हणाले.

फ्रान्समधील मार्सेली येथे भारतीय वाणिज्य दूतावास सुरू करण्याची घोषणा पंतप्रधान मोदींनी केली. ते म्हणाले की, युरोपियन देशात पदव्युत्तर शिक्षण घेणाऱ्या भारतीय विद्यार्थ्यांना आता त्यांच्या अभ्यासानंतर पाच वर्षांचा वर्किंग व्हिसा मिळेल.

हेही वाचा – IND vs WI 1st Test: ”करिअरची यशस्वी सुरुवात”; जैस्वालच्या शतकी खेळीचे सचिन तेंडुलकरकडून कौतुक

पंतप्रधान नरेंद्र मोदी यांना ‘गार्ड ऑफ ऑनर’ –

पंतप्रधान नरेंद्र मोदी दोन दिवसांच्या फ्रान्स दौऱ्यावर आहेत. पंतप्रधान मोदींचे फ्रान्समध्ये आगमन झाल्यानंतर त्यांचे जोरदार स्वागत करण्यात आले. फ्रान्सच्या पंतप्रधान एलिझाबेथ बोर्न यांनी पंतप्रधान नरेंद्र मोदी यांचे स्वागत केले. फ्रान्समध्ये पंतप्रधान मोदींना ‘गार्ड ऑफ ऑनर’ देण्यात आला.