Rohit Sharma giving surprise to daughter Samaira: भारतीय क्रिकेट संघाचा कर्णधार रोहित शर्मा सध्या पत्नी रितिका सजदेह आणि मुलगी समायरासोबत लंडनमध्ये सुट्टीचा आनंद घेत आहे. रोहित सोशल मीडियावर सतत फोटो आणि व्हिडीओ अपलोड करत असतो, ज्यामध्ये तो खूप मस्ती करताना दिसत आहे. जागतिक क्रिकेटमध्ये ‘हिटमॅन’ म्हणून प्रसिद्ध असलेल्या रोहितने शुक्रवारी त्याच्या अधिकृत इंस्टाग्राम पेजवर एक व्हिडिओ शेअर केला आहे. ज्यामध्ये तो समायराला सरप्राईज देताना दिसत आहे
.रोहित शर्माने शेअर केलेल्या व्हिडीओमध्ये तो पत्नी आणि मुलींसोबत लंडनमध्ये फिरत असल्याचे दिसत आहे. व्हिडीओमध्ये रितिका मुलगी समायराला सांगते की तुझ्यासाठी एक सरप्राईज आहे, तुला माहिती आहे का? यावर समायरा नाही म्हणते. त्यानंतर रोहित मुलीला म्हणतो की मलाही माहित नाही, फक्त तुझ्या आईलाच या सरप्राईजबद्दल माहिती आहे. यानंतर दोघेही समायराला ऑस्कर विजेता अॅनिमेटेड फिल्म फ्रोजन पाहण्यासाठी घेऊन जातात. चित्रपट पाहिल्यानंतर मुलगी खूप आनंदी दिसते. वाटेत रोहित मुलीचा हात धरून नाचताना दिसत आहे.
भारत विरुद्ध विंडीज यांच्यातील पहिला कसोटी सामना १२ जुलैपासून खेळवला जाणार –
ऑस्ट्रेलियाविरुद्धच्या वर्ल्ड टेस्ट चॅम्पियनशिप फायनलमधील पराभवानंतर टीम इंडियाचे खेळाडू ब्रेकवर आहेत. सर्व खेळाडू वेगवेगळ्या ठिकाणी सुट्टीचा आनंद घेत आहेत. रोहित तीन आठवड्यांच्या सुट्टीनंतर वेस्ट इंडिजला रवाना होणार आहे, जिथे अनेक खेळाडू आधीच पोहोचले आहेत. रोहित लवकरच विंडीजमध्ये टीम इंडियात सामील होणार आहे. दोन सामन्यांची कसोटी मालिका खेळण्यापूर्वी भारतीय संघ विंडीजमध्ये सराव सामना खेळणार आहे. या मालिकेतील पहिला कसोटी सामना १२ जुलैपासून सुरु होणार आहे.
हेही वाचा – County Cricket: शेन वॉर्ननंतर आता ‘या’ फिरकीपटूने टाकला ‘बॉल ऑफ द सेंच्युरी’, VIDEO होतोय व्हायरल
डब्ल्यूटीसी फायनलमध्ये रोहित फ्लॉप ठरला –
रोहित शर्माचा विंडीज दौऱ्यासाठी कसोटी आणि एकदिवसीय संघात समावेश करण्यात आला आहे. ३६ वर्षीय रोहित शेवटचा ऑस्ट्रेलियाविरुद्धच्या डब्ल्यूटीसी फायनलमध्ये खेळताना दिसला होता. डब्ल्यूटीसी फायनलमध्ये रोहित शर्माची कामगिरी काही खास नव्हती. त्याला दोन्ही डावात अर्धशतकही झळकावता आले नाही. रोहितला विंडीजविरुद्ध फॉर्ममध्ये परतण्याची सुवर्णसंधी आहे.
वेस्ट इंडिजविरुद्धच्या कसोटी मालिकेसाठी टीम इंडिया –
रोहित शर्मा (कर्णधार), शुबमन गिल, ऋतुराज गायकवाड, विराट कोहली, यशस्वी जैस्वाल, अजिंक्य रहाणे (उपकर्णधार), केएस भरत (यष्टीरक्षक), इशान किशन (यष्टीरक्षक), आर अश्विन, रवींद्र जडेजा, शार्दुल ठाकूर, अक्षर पटेल, मोहम्मद सिराज, मुकेश कुमार, जयदेव उनाडकट आणि नवदीप सैनी
