Video: रोहित शर्मा भारताच्या कर्णधारपदी टिकणार नाही; पाकिस्तानी माजी अष्टपैलू खेळाडू म्हणतो, शर्मा नेहमीच घाबरून..

मोहम्मद हाफीज, जो आशिया चषक दरम्यान पाकिस्तानच्या पीटीव्ही चॅनेलवर चर्चा सत्रात बोलत असताना त्याने, सामन्यातील रोहितच्या देहबोलीवरून भाष्य करत टीकास्त्र उगारले. हाफिझच्या मते, रोहित शर्माची देहबोली ‘कमकुवत’ आणि ‘गोंधळलेली’ असते. एका व्हायरल व्हिडीओमध्ये हाफिझने म्हणाला की, “रोहित जेव्हा नाणेफेकीसाठी आला तेव्हा तो मला फार घाबरलेला दिसला जो रोहित शर्मा आपण सामन्यात बिनधास्त खेळताना पाहिला आहे, तो आशिया चषकात तरी दिसला नाही.”

(…म्हणून रोहित शर्मावर भडकला गौतम गंभीर; म्हणाला, “ऋषभ पंतला…”)

हाफिज पुढे म्हणतो की, कर्णधार पदाच्या जबाबदारीमुळे रोहित शर्मावर खूप दबाव आहे. यामुळे शर्माला अनेक समस्या येत आहेत. एकतर स्वतःचा फॉर्म बिघडत असताना टीमची जबाबदारी रोहितला झेपत नाही असे दिसतेय. आयपीएलचा हंगाम वाईट गेला त्यानंतर जेव्हापासून रोहित आंतरराष्ट्रीय क्रिकेट खेळत आहे त्यातही रोहितची कमाल दिसली नाही. अशा अनेक गोष्टी आहेत ज्यामुळे रोहितचा कमी झालेला आत्मविश्वास दिसून येतोय.

पाहा व्हिडीओ

दरम्यान, तिन्ही फॉरमॅटमध्ये पाकिस्तानचे प्रतिनिधित्व करणाऱ्या या अष्टपैलू खेळाडूने रोहितच्या भवितव्याबद्दलही एक धाडसी विधान केले, हाफिज म्हणाला की, रोहित शर्मा आणखी फार वेळ भारताचा कर्णधार राहणार नाही. याविषयी रोहितने स्वतः किंवा निदान भारतीय टीमच्या निर्णयकाने याविषयी निर्णय घेण्याची गरज आहे.