Vinesh Phogat : “विनेश तू एकटी हरली नाहीस, देशाची प्रत्येक मुलगी…”; साक्षी मलिकची प्रतिक्रिया

विनेश फोगटची पोस्ट काय?

“माँ कुश्ती मेरे से जीत गई मैं हार गई माफ़ करना आपका सपना मेरी हिम्मत सब टूट चुके इससे ज़्यादा ताक़त नहीं रही अब। अलविदा कुश्ती २००१-२०२४ आप सबकी हमेशा ऋणी रहूँगी माफी” आई कुस्ती आज तू जिंकलीस आणि मी हरले. मला माफ कर आई, तुझं स्वप्न पूर्ण करण्याची हिंमत आता माझ्यात नाही. माझ्यात आता तितकं बळच उरलं नाही. अलविदा कुस्ती २००१-२०२४ मी तुझी कायमच ऋणी राहिन मला माफ कर. असं म्हणत कुस्तीला आई समान मानत विनेश फोगटने ( Vinesh Phogat ) कुस्तीतून संन्यास घेतला आहे.

आणखी वाचा

स्वप्नपूर्ती! ऑटो ड्रायव्हरची मुलगी होणार डॉक्टर; हलाखीच्या परिस्थितीत NEET-UG परीक्षा उत्तीर्ण, वाचा रुबी प्रजापतीचा प्रेरणादायी प्रवास

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

“भाजपाला पूर्वी RSS ची गरज होती, आता…”, नड्डांच्या वक्तव्यावर संघाची प्रतिक्रिया; म्हणाले, “कौटुंबिक वाद…”

Bengaluru Women Murder: बंगळुरूतील ‘फ्रिज’ हत्याकांड प्रकरणात नवा ट्विस्ट; पीडितेच्या पतीनं प्रियकर अश्रफवर व्यक्त केला संशय

दोन दशकांची प्रतीक्षा संपल्याचा आनंद! बुद्धिबळ ऑलिम्पियाड स्पर्धेतील सुवर्णयशानंतर द्रोणावल्ली हरिकाची भावना

कुतूहल: विशाल भाषा प्रारूपे काय आहेत?

IND vs BAN : विराट कोहलीला रिव्ह्यू टाळणं पडलं महागात; रोहित व अंपायरची प्रतिक्रिया होतेय व्हायरल

Bigg Boss Marathi: बिगबॉस सारखे शो प्रेक्षकांच्या मानसिकतेशी कसे खेळतात?

हे पण वाचा- Vinesh Phogat: विनेश फोगटची ऑलिम्पिकमधून अपात्र ठरवल्यानंतर क्रीडा कोर्टात धाव, रौप्यपदक मिळावं अशी केली विनंती

ऑलिम्पिकच्या अंतिम फेरीत जाऊनही वजनामुळे अपात्र ठरली विनेश

ऑलिम्पिकच्या स्पर्धेत विनेश फोगटनं ( Vinesh Phogat ) तिच्या प्रतिस्पर्ध्याविरुद्ध उपांत्य फेरीचा सामना ५-० च्या फरकानं जिंकला. प्रतिस्पर्ध्यासाठी तिनं साधा एक गुणही सोडला नव्हता. त्यावेळी विनेशची (Vinesh Phogat) देहबोली प्रत्येक भारतीयाला जणू सांगत होती की, तयारी करा मी सुवर्ण पदक आणते आहे. त्यामुळे विनेश गोल्ड आणणारच ही खात्री जवळपास प्रत्येक भारतीयाला वाटलीच. ऑलिम्पिकच्या अंतिम फेरीसाठी पात्र ठरणारी विनेश पहिली भारतीय महिला कुस्तीपटू ठरली. पण, १५० ग्रॅम वजन पात्र ठरलं आणि विनेशला सुवर्ण पदकाच्या सामन्यासाठी अपात्र ठरवण्यात आलं. तिला लढायचं होतं, पण मैदानात येण्यापूर्वीच ती अपात्र ठरली. ज्यानंतर विनेश प्रचंड निराश झाली. आता महिला कुस्तीपटू साक्षी मलिकने तिच्यासाठी पोस्ट लिहिली आहे.

काय आहे साक्षी मलिकची पोस्ट?

विनेश तू एकटी हरली नाहीस भारताची ती प्रत्येक मुलगी हरली आहे ज्यांच्यासाठी तू लढलीस आणि जिंकलीस. तू निवृत्तीचा निर्णय घेणं ही भारताची हार आहे. आज सगळा देश तुझ्या पाठिशी आहे. कुस्तीपटू म्हणून तू केलेल्या संघर्षाला सलाम. या आशयाची पोस्ट साक्षी मलिकने विनेशसाठी केली आहे.

साक्षी मलिकने जेव्हा विनेश अपात्र ठरली तेव्हाही खूप दुःख व्यक्त केलं होतं. तेव्हाही तिने विनेशसाठी भावनिक पोस्ट लिहिली होती. एका कुस्तीपटूसाठी वजन कमी करणं हे मेडल मिळण्यासारखंच असतं. तसंच मेडल हिरावलं गेल्याचं दुःख काय असतंं? विनेशला काय वाटत असेल हे मी समजू शकते असंही तिने म्हटलं होतं. एवढंच नाही तर विनेशला रौप्य पदक तरी दिलं जावं अशीही मागणी तिने केली होती. मात्र हे सगळं घडल्याच्या दुसऱ्याच दिवशी विनेशने कुस्तीतून संन्यास जाहीर केला आहे.