Vinod Kambli: “माझा मुलगा डावखुरा फलंदाज, तोही माझ्यासारखाच…”, विनोद कांबळी आजारपणात कुटुंबाबाबत काय म्हणाले?

या मुलाखतीमध्ये कुटुंबाबाबत बोलत असताना विनोद कांबळी म्हणाले, मला १४ वर्षांचा एक मुलगा आणि १० वर्षांची एक मुलगी आहे. मुलगा जिजस क्रिस्टियानो कांबळीही क्रिकेट खेळतो. तोही माझ्यासारखाच डावखुरा फलंदाज असून बिनधास्त फटकेबाजी करतो. पहिल्या चेंडूपासून तो फटकेबाजी करत असून तो माझ्यासारखाच खेळतो. तोही कधीतरी भारतीय संघात येईल, असे मला वाटते.

हे वाचा >> VIDEO: “सचिनने माझ्या शस्त्रक्रियेचा सगळा खर्च केला…”; विनोद कांबळीने भावुक होत सांगितला घटनाक्रम

गाडी चालविताना हृदयविकाराचा झटका आला आणि..

विनोद कांबळी ह्रदयविकाराचा झटका आला त्या घटनेबद्दल सांगताना म्हणाले, “मला अचानक अस्वस्थ वाटायला लागले होते. मी कार चालवता चालवताना पडलो आणि माझ्या पत्नीने मला थेट लिलावतीमध्ये दाखल केले आणि तेव्हा दोन हृदयविकाराचे झटके आले होते. एकावेळी दोन हृदयविकाराचे झटके कोणाला येतात. माझी पत्नी तेव्हा माझ्याबरोबर होती, ते सर्व पाहून रडत होती.”

विनोद कांबळी यांनी यांच्या कुटुंबियांचा जुना व्हिडीओ

आर्थिक परिस्थिती बिकट आहे

विनोद कांबळी यांनी आपल्या कुटुंबाच्या आर्थिक परिस्थितीबाबतही भाष्य केले. ते म्हणाले, “माझी आर्थिक परिस्थिती सध्या हलाखीची आहे. पण माझे कुटुंब खंबीरपणे माझ्या पाठिशी उभे आहे. माझी पत्नी अँड्रियाने सर्व व्यवस्थित हाताळले असून मी तिला सलाम करतो.” तसेच सुनील गावस्कर, कपिल देव यांनी मला मदतीचे आवाहन केले आहे. कपिल देव यांनी मला पुनर्वसन केंद्रात जाण्याचे आवाहन केले आहे, तेही मी स्वीकारले असल्याचे ते म्हणाले.

वानखेडेवरील खेळी स्मरणात राहिली

विनोद कांबळी यांनी दोनवेला द्विशतक झळकावले होते. यातील कोणती खेळी स्मरणार राहिली? असा प्रश्न विचारल्यानंतर ते म्हणाले, वानखेडेवर झालेल्या सामन्यात झळकावलेले द्विशतक कायम लक्षात राहिले. त्या सामन्यात आचरेकर सरही मैदानावर उपस्थित होते. त्यावेळी संघात सर्व उत्कृष्ट खेळाडू होते. तो सामना माझ्या कायम लक्षात राहिर, असे विनोद कांबळी म्हणाले.