Rohit Sharma Angry on Shubman Gill Video Viral: आशिया कपच्या फायनलमध्ये भारत आणि श्रीलंका हे संघ भिडणार आहेत. या दोन्ही संघांतील हा फायनल सामना कोलंबोतील आर प्रेमदासा स्टेडियमवर खेळला जाणार आहे. या सामन्याला भारतीय वेळेनुसार दुपारी ३ वाजता सुरुवात होणार आहे. तत्पूर्वी या सामन्यापूर्वी सोशल मीडियावर एक व्हिडीओ मोठ्या प्रमाणात व्हायरल होत आहे.
सोशल मीडियावर व्हायरल झालेल्या व्हिडीओमध्ये भारतीय संघाचा कर्णधार रोहित शर्मा आणि शुबमन गिल दिसत आहेत. खरंतर रोहित शर्मा आणि शुबमन गिल बोलत होते. यादरम्यान शुबमन गिलने रोहित शर्माला काहीतरी सांगितले, जे कदाचित भारतीय कर्णधाराला आवडले नसेल. यावर उत्तर देताना रोहित शर्मा म्हणाला की, ‘मी हे करू शकत नाही,, तू वेडा आहेस का?’
रोहित शर्मा आणि शुबमन गिलचा व्हिडीओ सोशल मीडियावर व्हायरल –
मात्र, रोहित शर्मा आणि शुबमन गिल यांच्या संभाषणाचा व्हिडीओ सोशल मीडियावर मोठ्या प्रमाणात व्हायरल होत आहे. याशिवाय शुबमन गिल असं का बोलला, ज्यामुळे रोहित शर्मा इतका संतप्त झाला? यावर चाहते आता अंदाज लावत आहेत. सोशल मीडिया यूजर्स सतत कमेंट करून आपली प्रतिक्रिया देत आहेत.
हेही वाचा – Diamond League : नीरज चोप्राला विजेतेपदाची हुलकावणी, अवघ्या काही सेंटीमीटरने हुकलं जेतेपद
आशिया चषक फायनलमध्ये रोहित आणि शुबमनवर असणार सर्वांची नजर –
त्याचवेळी आज रोहित शर्मा आणि शुबमन गिल आशिया कप फायनलमध्ये मैदानात दिसणार आहेत. भारत आणि श्रीलंका यांच्यातील विजेतेपदाचा सामना कोलंबोमध्ये भारतीय वेळेनुसार दुपारी ३ वाजता सुरू होईल. रोहित शर्माच्या नेतृत्वाखालील भारतीय संघाने सुपर फोर फेरीत पाकिस्तान आणि श्रीलंकेचा पराभव केला. तर बांगलादेशविरुद्ध पराभवाचा सामना करावा लागला. श्रीलंकेबद्दल बोलायचे झाले तर, या संघाने सुपर फोर फेरीत पाकिस्तान आणि बांगलादेशला पराभूत केले, परंतु भारतीय संघाविरुद्ध पराभवाला सामोरे जावे लागले. अशाप्रकारे भारत आणि श्रीलंकेचे संघ प्रत्येकी ४ गुणांसह अंतिम फेरीसाठी पात्र ठरले.
