विराट कोहली ठरला ‘हॅटट्रीक हिरो’, पटकावले ICC चे मानाचे पुरस्कार

भारतीय संघाचा कर्णधार विराट कोहलीने 2018 सालच्या आयसीसी पुरस्कारांमध्ये आपला ठसा उमटवला आहे. सर्वोत्तम पुरुष क्रिकेटपटूला दिला जाणारा सर गॅरफिल्ड सोबर्स पुरस्कार, सर्वोत्तम वन-डे क्रिकेटपटू आणि सर्वोत्तम कसोटीपटू असे मानाचे तिन्ही पुरस्कार विराट कोहलीने आपल्या खिशात घातले आहेत. विराटने 2018 सालात वन-डे क्रिकेटमध्ये 133.55 च्या सरासरीने 1 हजार 202 धावा काढल्या आहेत. यामध्ये सहा शतकं आणि 3 अर्धशतकांचाही समावेश आहे. एकाच वर्षात आयसीसीचे मानाचे तिन्ही पुरस्कार पटकावणारा विराट पहिला खेळाडू ठरला आहे.