Virat Kohli broke Virender Sehwag’s record for highest runs in Tests for India: भारत आणि वेस्ट इंडिज यांच्यात डॉमिनिका येथे खेळल्या जात असलेल्या पहिल्या कसोटी सामन्यात रोहित आणि यशस्वी जैस्वाल यांनी शतके झळकावून विक्रमांची रांग लावली आहे. त्याचबरोबर चौथ्या क्रमांकावर फलंदाजीसाठी आलेल्या कोहलीनेही चांगली कामगिरी केली आहे. कोहलीने या सामन्यात २५वी धाव घेताच माजी क्रिकेटपटू वीरेंद्र सेहवागला मागे टाकले आहे. भारतासाठी कसोटीत सर्वाधिक धावा करणारा तो आता पाचवा भारतीय खेळाडू ठरला आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
ई-मेल द्या, नी साइन-अप करा
Already have a account? Sign in

सचिन तेंडुलकर हा भारतीय फलंदाजाकडून कसोटीत सर्वाधिक धावा करणारा खेळाडू आहे. त्याने २०० सामन्यांच्या ३२९ डावांमध्ये ५३.७८ च्या सरासरीने आणि ५४..०४ च्या स्ट्राईक रेटने १५,९२१ धावा केल्या आहेत. या यादीत राहुल द्रविड (१३,२६५ धावा) दुसऱ्या स्थानावर आहे. सुनील गावसकर (१०,१२२ धावा) तिसऱ्या, व्हीव्हीएस लक्ष्मण (८,७८१ धावा) चौथ्या क्रमांकावर आहेत. या यादीत वीरेंद्र सेहवाग ८,५०३ धावांसह पाचव्या स्थानावर होता पण कोहलीने आता त्याला मागे टाकत ८,५१५ धावा केल्या आहेत. यासह कोहली या दिग्गजांच्या क्लबमध्ये सामील झाला आहे.

भारतासाठी कसोटीत सर्वाधिक धावा करणारे खेळाडू –

१. सचिन तेंडुलकर – १५९२१ धावा
२. राहुल द्रविड – १३२६५ धावा
३. सुनील गावस्कर – १०१२२ धावा
४. व्हीव्हीएस लक्ष्मण – ८७८१ धावा
५. विराट कोहली – ८५१५ धावा
६. वीरेंद्र सेहवाग – ८५०३ धावा

हेही वाचा – IND vs WI: रोहित-यशस्वी जोडीने मोडला २२ वर्षे जुना विक्रम, गावसकर आणि सेहवागला मागे टाकले

दुसऱ्या दिवस अखेर विराट कोहली आणि यशस्वी जैस्वाल नाबाद –

भारताने दुसऱ्या दिवसाचा खेळ संपला, तेव्हा दोन बाद ३१२ धावा केल्या आहेत. टीम इंडियाने पहिल्या डावात १६२ धावांची आघाडी मिळवली आहे. यशस्वी जैस्वालने पहिल्याच कसोटी सामन्यात शतक झळकावून आपल्या कारकिर्दीची शानदार सुरुवात केली. त्याने कर्णधार रोहित शर्माच्या साथीने टीम इंडियाला मजबूत स्थितीत आणले. रोहित १०४ धावा करून बाद झाला.

हेही वाचा – IND vs WI: यशस्वी जैस्वालचे शतक होताच ड्रेसिंग रूममध्ये एकच जल्लोष, कोहलीपासून द्रविडपर्यंत सर्वांनी केले अभिवादन, पाहा Video

तिसऱ्या क्रमांकावर फलंदाजीला आलेला शुबमन गिल सहा धावा करून बाद झाला. यशस्वीने रोहितसोबत पहिल्या विकेटसाठी २२९ धावांची भागीदारी केली. तो १४३ धावांवर नाबाद आहे. त्याचवेळी माजी कर्णधार विराट कोहली ३६ धावा करून नाबाद आहे. वेस्ट इंडिजने नऊ गोलंदाजांचा वापर केला, पण त्यांना केवळ दोनच विकेट्स घेता आल्या. अॅलिक एथेनेझने रोहितला तर जोमेल वॅरिकनने शुबमन गिलला बाद केले.

First published on: 14-07-2023 at 14:04 IST
TOPICSकसोटी क्रिकेटTest cricketभारत विरुद्ध वेस्ट इंडिजIND vs WIविराट कोहलीVirat Kohliवीरेंद्र सेहवागVirender Sehwag
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Virat kohli broke virender sehwags record for highest runs in tests for india vbm