Virat Kohli has surpassed Sachin Tendulkar’s record of most calendar years with 1000 plus ODI runs: विराट कोहलीसाठी २०२३ चा विश्वचषक आत्तापर्यंत चांगलाच ठरला आहे. या स्पर्धेत भारताकडून सर्वाधिक धावा करणारा विराट हा दुसरा फलंदाज ठरला आहे. इंग्लंडविरुद्धच्या गेल्या सामन्यात विराट कोहली शून्यावर बाद झाला होता, आता हे विसरून विराट कोहलीने पुन्हा एकदा एका मोठ्या विक्रमाला गवसणी घातली आहे. विराट कोहलीने श्रीलंकेविरुद्धच्या सामन्यात ३४ धावा करताच, १६ वर्षे जुना विश्वविक्रम मोडला आहे.
एका कॅलेंडर वर्षात सर्वात जास्त वेळा १००० धावा करण्याचा विक्रम –
एका कॅलेंडर वर्षात सर्वाधिक १००० धावा करण्याच्या बाबतीत सचिन तेंडुलकर पहिल्या क्रमांकावर होता. त्याने सात वेळा हा पराक्रम केला आहे. याशिवाय आता विराट कोहलीने एका कॅलेंडर वर्षात आठ वेळा एक हजारहून अधिक धावा करण्याचा पराक्रम केला आहे. आज श्रीलंकेविरुद्धच्या सामन्यात विराट कोहलीने या बाबतीत सचिन तेंडुलकरला मागे टाकले आहे. या वर्षी विराट कोहलीने आंतरराष्ट्रीय क्रिकेटमध्ये श्रीलंकेविरुद्धच्या सामन्यापूर्वी ९६६ धावा केल्या होत्या.
आशिया कप २०२२ नंतर विराटने हरवलेला फॉर्म परत मिळवला आहे. त्याआधी विराट सुमारे अडीच वर्षे सतत फ्लॉप होत होता आणि एकही शतक त्याला झळकावता आले नाही, पण आता विराटच्या बॅट चांगली तळपत आहे. तो प्रत्येक सामन्यात धावा करत आहे. आज विराट कोहली ३४ धावा करत एकदिवसीय आंतरराष्ट्रीय क्रिकेटमध्ये एका कॅलेंडर वर्षात आठ वेळा १००० धावा करणारा जगातील एकमेव फलंदाज बनला आहे.
विराटने एक हजार धावा कधी-कधी केल्या?
वर्ष २०११: ३४ सामन्यांमध्ये ४७.६२च्या सरासरीने १३८१ धावा (४ शतके आणि ८ अर्धशतके)
वर्ष २०१२: १७ सामन्यात ६८.४०च्या सरासरीने १०२६ धावा (५ शतके आणि ३ अर्धशतके)
वर्ष २०१३: ३४ सामन्यात ५२.८३ च्या सरासरीने १२६८ धावा (४ शतके आणि ७ अर्धशतके)
वर्ष २०१४: २१ सामन्यांमध्ये ५८.५५ च्या सरासरीने १०५४ धावा (४ शतके आणि ५ अर्धशतके)
वर्ष २०१७: २६ सामन्यांमध्ये ७६.८४ च्या सरासरीने १४६० धावा (६ शतके आणि ७ अर्धशतके)
वर्ष २०१८: १४ सामन्यात १३३.५५ च्या सरासरीने १२०२ धावा (६ शतके आणि ३ अर्धशतके)
वर्ष २०१९: २६ सामन्यांमध्ये ५९.८६ च्या सरासरीने १३७७ धावा (५ शतके आणि ७ अर्धशतके)
