“…म्हणून विराट कोहलीने कर्णधारपद सोडलं”; ऑस्ट्रेलियाच्या माजी क्रिकेटपटूनं सांगितलं कारण

“विराट कोहलीने टी २० आणि आरसीबीचं कर्णधारपद सचिन तेंडुलकरच्या ५१ कसोटी शतकांची बरोबरी करण्यावर लक्ष केंद्रीत करण्यासाठी सोडली आहे. क्रिकेट विश्वात भविष्यात महान खेळाडूंच्या यादीत स्थान मिळावं यासाठी यावर लक्ष केंद्रीत करणं गरजेचं आहे. कोहलीने कर्णधारपद दबावात सोडलं आहे, अशी चर्चा निरर्थक ठरेल. यामागे नक्कीच मोठं लक्ष्य असावं”, असं ऑस्ट्रेलियाचा माजी क्रिकेटपटू ब्रॅड हॉगने सांगितलं.

“विराट एकदिवसीय आणि कसोटी क्रिकेटमध्ये भारताचं नेतृत्व करणार आहे. पण त्याचं लक्ष्य सचिन तेंडुलकरच्या १०० आंतरराष्ट्रीय शतकांची बरोबरी करण्याचं आहे”, असं मत ऑस्ट्रेलियाचा माजी क्रिकेटपटू ब्रॅड हॉगने वर्तवलं आहे.

“एकदिवसीय सामन्यात सचिनने ४९ शतकं तर कसोटीत ५१ शतकं झळकावली आहेत. विराटने एकदिवसीय सामन्यात ४३ शतकं झळकावली आहे. मात्र कसोटीत त्याच्या नावावर केवळ २७ शतकं आहेत. तेंडुलकरने २०० सामन्यात ५१ शतकं झळकावली आहेत. माझ्या मते कोहली कसोटीवर लक्ष केंद्रीत करू इच्छित आहे. सचिनच्या शतकांची बरोबरी करण्याचा त्याचा उद्देश दिसत आहे. त्या दिशेने तो