Virat Kohli : विराट कोहलीचा आत्मघातकी रनआऊट, रनमशीनचा वेग कमी पडला अन्… पाहा VIDEO

विराट कोहलीसाठी न्यूझीलंडविरुद्धची मायदेशात खेळली जाणारी कसोटी मालिका एखाद्या वाईट स्वप्नापेक्षा कमी नाही. कारण संपूर्ण मालिकेत विराट कोहलीला अपयशाचा सामना करावा लागत आहे. बंगळुरू आणि पुणे कसोटीनंतर आता मुंबई कसोटीत त्याच्यासोबत असेच काहीसे घडले, जे पाहून त्याच्या चाहत्यांना विश्वास बसणार नाही. मुंबई कसोटीच्या पहिल्या डावात अवघ्या ४ धावांवर विराट कोहली रनआऊट झाला. महत्त्वाची गोष्ट म्हणजे रनआऊट होण्यात विराट कोहलीचीच चूक होती.

नक्की वाचा

“अशा श्रीमंतीचा काय उपयोग?” आलिशान बीएमडब्ल्यूमधून आलेल्या महिलेचं रात्री १२ वाजता लाजीरवाणं कृत्य; VIDEO व्हायरल

Nana Patole : निकालाआधी राजकीय घडामोडींना वेग; यातच…

IND vs NZ : ऋषभ पंतच्या वादग्रस्त विकेटवर एबी डिव्हिलियर्सने उपस्थित केले प्रश्न; म्हणाला, ‘सत्य हे आहे की…’

महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…

IND vs NZ: “सर्वांसाठी सारखेच नियम ठेवा…”, ऋषभ पंतच्या वादग्रस्त विकेटवर रोहित शर्मा भडकला, खरंच पंत नॉट आऊट होता?

आता तर हद्दच झाली! वाटाणे पाण्यात टाकताच काय झालं पाहा; VIDEO पाहून सोललेले वाटाणे घेताना शंभर वेळा विचार कराल

IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले

विराट कसा रनआऊट झाला?

भारताच्या पहिल्या डावाच्या १९व्या षटकात विराट कोहलीची विकेट पडली. रचिन रवींद्रच्या तिसऱ्या चेंडूवर विराट कोहलीने मिड-ऑन दिशेने शॉट खेळून एक धाव चोरण्याचा प्रयत्न केला, पण हेन्रीने एका हाताने चेंडू पकडला आणि तो थेट स्टंपवर आदळला आणि विराट रनआऊट झाला. विराट कोहलीनेही डायव्हिंग केले पण तो क्रीजच्या आत पोहोचू शकला नाही. विराट कोहली कसोटी कारकिर्दीत चौथ्यांदा रनआऊट झाला.

हेही वाचा – Kolkata Knight Riders : केकेआरला लिलावापूर्वी बसला मोठा फटका, पर्समधून कापले जाणार १२ कोटी रुपये, नेमकं काय आहे कारण?

भारताने अवघ्या ६ धावांत गमावल्या ३ विकेट्स –

भारतीय संघाने कर्णधार रोहित शर्माची विकेट लवकर गमावली होती. रोहित शर्मा केवळ १८ धावा करून बाद झाला. मात्र यानंतर शुबमन गिल आणि यशस्वी जैस्वाल यांनी अर्धशतकी भागीदारी करत संघाला ताब्यात घेतले. पण त्यानंतर १८ व्या षटकापासून भारतीय संघाच्या फलंदाजांची निराशाजनक कामगिरी सुरू झाली. संघाची धावसंख्या ७८ धावा असताना यशस्वी जैस्वाल रिव्हर्स स्वीप खेळून बाद झाला. यानंतर टीम इंडियाने सिराजला नाईट वॉचमन म्हणून पाठवले आणि तो पहिल्याच चेंडूवर बाद झाला. विराट कोहलीनेही वैयक्तिक ४ धावांवर आपली विकेट फेकली. टीम इंडियासाठी पहिला दिवस चांगला जाऊ शकला असता पण ६ धावांच्या आत सर्व काही बदलले.