विराटचा आणखी एक कारनामा; सचिन, लारा या दिग्गज फलंदाजांच्या पंक्तीत मिळवले स्थान

‘आयसीसी’ची एकदिवसीय आणि कसोटी क्रमवारी नुकतीच जाहीर झाली. या यादीत दोनही प्रकारांमध्ये कर्णधार विराट कोहली हा फलंदाजांच्या यादीत अव्वल स्थानी विराजमान झाला आहे. असा कारनामा करणारा कोहली हा जगातील नववा खेळाडू ठरला आहे. तर दुसरा भारतीय ठरला आहे. या आधी भारताचा मास्टर ब्लास्टर सचिन तेंडुलकर याने ही किमया केली होती. त्याने १९९८ आणि २००१-०२ या वेळी एकदिवसीय आणि कसोटी क्रमवारीत एकाच वेळी अव्वल स्थान पटकावले होते.

याशिवाय, जगातील एकूण आठ खेळाडूंनी कोहलीच्या आधी या पराक्रमाला गवसणी घातली होती. या खेळाडूंमध्ये ऑस्ट्रेलियाचे केथ स्टॅकपोल (१९७२), विंडीजने सर व्हिव्हियन रिचर्ड्स (१९८२, १९८५-८८), पाकिस्तानचा जावेद मियांदाद (१९८९), विंडीजचा ब्रायन लारा (१९९४-९६), द. आफ्रिकेचा जॅक कॅलिस (२००५), ऑस्ट्रेलियाचा रिकी पॉन्टिंग (२००५-०७) आणि द. आफ्रिकेचा हाशिम आमला (२०१३) यांचा समावेश आहे.