विराट कोहली सहकारी खेळाडूंसोबत शॉपिंगसाठी पाकिस्तानला गेला होता का? जाणून घ्या व्हायरल व्हिडिओचे सत्य

२००६ मध्ये पीयूष चावलाच्या नेतृत्वाखाली १९ वर्षाखालील भारतीय संघ पाकिस्तानच्या दौऱ्यावर गेला होता. त्यानंतर संघाने २ सामन्यांची कसोटी मालिका २-० अशी जिंकली तर ४ सामन्यांची एकदिवसीय मालिका ४-० अशी जिंकली. व्हिडिओमध्ये विराट कोहलीसोबत रॉबिन उथप्पा, चेतेश्वर पुजारा, रवींद्र जडेजा आणि इशांत शर्मा यांच्यासह अनेक दिग्गज खेळाडू दिसत आहेत. कोहलीने कसोटी मालिकेतील ३ डावात १७२ धावा तर एकदिवसीय सामन्याच्या ३ डावात १२५ धावा केल्या होत्या.

वरिष्ठ संघासोबत तो पाकिस्तानला कधीही जाऊ शकला नाही –

भारतीय वरिष्ठ संघाने २००८ मध्ये शेवटचा पाकिस्तान दौरा केला होता. तोपर्यंत कोहलीने आंतरराष्ट्रीय क्रिकेटमध्ये पदार्पण केले नव्हते. सीनियर संघासोबत तो पाकिस्तानला कधीही जाऊ शकला नाही. अलीकडेच कोहलीने टी-२० विश्वचषकात पाकिस्तानविरुद्ध नाबाद ८२ धावांची उत्कृष्ट खेळी खेळली होती. यामुळे संघाला रोमांचक विजय मिळाला. अखेरच्या ८ चेंडूत संघाला २८ धावा करायच्या होत्या. त्याने १९व्या षटकात हरिस रौफला सलग दोन षटकार ठोकले. त्यानंतर २०व्या षटकात मोहम्मद नवाजला षटकार लगावला होता.

हेही वाचा – FIFA World Cup 2022: सेनेगलला बसला मोठा धक्का; आणखी एक स्टार खेळाडू वर्ल्ड कपमधून बाहेर

पाकिस्तान संघाने शेवटचा भारत दौरा २०१२-१३ मध्ये केला होता. त्यानंतर दोन्ही संघांमध्ये ३ सामन्यांची एकदिवसीय मालिका आणि २ सामन्यांची टी-२० मालिका खेळवण्यात आली. तेव्हापासून या दोघांमध्ये कोणतीही द्विपक्षीय मालिका झालेली नाही. ते फक्त आयसीसी किंवा मोठ्या टूर्नामेंटमध्ये एकमेकांविरुद्ध खेळतात.