कोहलीने खेळ थांबवला, सूर्यकुमार यादवकडे गेला अन विचारलं “अरे यार तू Video… ” भरमैदानात नेमकं घडलं काय?

विराट माझ्याकडे आला आणि..

सूर्याने विराट कोहलीसह एका आठवणीचा खास उल्लेख करत सांगितले की, मी रोहित शर्माला ओळखत होतो. काही सामने एकत्र खेळल्यावर शर्माने मला सांगितले की, मी आता तुझ्या खेळाविषयी काही बोलूच शकत नाही. यानंतर मी एकदा विराट कोहली भाईसह खेळात होतो. तेव्हा माझा खेळ पाहून विराट माझ्याकडे येऊन म्हणाला की, “तू काय व्हिडीओ गेम्स खेळतोय का?” मला हे कौतुक ऐकून मस्त वाटलं होतं.

राहुल द्रविडचा विश्वास होता की..

मी राहुल (द्रविड) भाईशीही बोललो. जेव्हा त्याने माझी अशी खेळी पाहिली तेव्हा तो आला आणि मला म्हणाला की मी ज्या स्थितीत फलंदाजी करतो, मी खेळ बदलू शकतो. जेव्हा ते भारताचे प्रशिक्षक बनले तेव्हा मी त्यांनासांगितले की जेव्हा सामना ७- १४ षटकांच्या दरम्यान असेल तेव्हा कृपया मला फलंदाजीसाठी पाठवा. अशा परिस्थितीत मी मुंबई इंडियन्ससाठी अनेकदा फलंदाजी केली आहे. त्या विशिष्ट परिस्थितीत धावा कशा करायच्या हे मला माहीत आहे. माझी इच्छा होती आणि मी जेव्हा सांगितलं तेव्हा मला संधी मिळाली म्हणूनच मी असं खेळू शकलो.

हे ही वाचा<< IND vs SA: टीम इंडियाचा तळपता सूर्या! सूर्यकुमार यादवने सांगितलं तुफानी खेळीचं गुपित, म्हणाला, “मी रबरी बॉल..”

दरम्यान, सूर्यकुमार यादवने सांगितले की, जे शॉट्स आपण देशांतर्गत सामन्यांमध्ये किंवा आयपीएलमध्ये सहज खेळू शकतो तेच शॉट्स आंतरराष्ट्रीय सामन्यांमध्ये जसे की विश्वचषकात खेळणे अत्यंत कठीण असते. पण जेव्हा मला हे शॉट्स २०२२ च्या विश्वचषकात खेळता आले तेव्हा मी स्वतः थक्क झालो होतो. सोशल मीडियावर मी मागच्या तीन महिन्यातील स्वतःचेच शॉट्स जेव्हा पाहिले तेव्हा मला प्रश्न पडला की मी हे कसे खेळू शकलो? मी हे कसं केलं?