२०२० वर्षात विराट कोहलीच्या भारतीय संघासमोर महत्वाचं आव्हान असेल ते ऑस्ट्रेलियात पार पडणाऱ्या टी-२० विश्वचषकाचं. वर्षाअखेरीस होणाऱ्या या स्पर्धेसाठी भारतीय संघाला सरावासाठी फार कमी सामने मिळतील, त्यामुळे संघाची बांधणी करणं हे विराट आणि रवी शास्त्रींसमोरचं मोठं आव्हान असेल. त्याआधीच सोशल मीडियावर अनेक माजी खेळाडू विश्वचषकासाठी आपल्या पसंतीप्रमाणे संघ जाहीर करत आहेत. भारताचा माजी कसोटीपटू व्ही.व्ही.एस.लक्ष्मणनेही आगामी टी-२० विश्वचषकासाठी आपला संघ जाहीर केला आहे.
महत्वाची गोष्ट म्हणजे लक्ष्मणने या संघात महेंद्रसिंह धोनी आणि शिखर धवन या खेळाडूंना स्थान दिलेलं नाही. भारत विरुद्ध श्रीलंका मालिकेदरम्यान Star Sports वाहिनीवरील एका कार्यक्रमात लक्ष्मण बोलत होता.
असा असेल लक्ष्मणचा टी-२० विश्वचषकासाठी भारतीय संघ –
विराट कोहली (कर्णधार), रोहित शर्मा, लोकेश राहुल, श्रेयस अय्यर, ऋषभ पंत, हार्दिक पांड्या, जसप्रीत बुमराह, युजवेंद्र चहल, कुलदीप यादव, मनिष पांडे, शिवम दुबे, रविंद्र जाडेजा, मोहम्मद शमी, दीपक चहर, भुवनेश्वर कुमार
अवश्य वाचा – विराटचे सूचक संकेत, म्हणाला ‘या’ खेळाडूला मिळू शकतं टी-२० विश्वचषकाचं तिकीट
