Wankhede Stadium 50th Anniversary LIVE: वानखेडेच्या पन्नाशीच्या कार्यक्रमात साजरा केला सुनील गावस्करांचा ७५ वा वाढदिवस

वानखेडे स्टेडियमच्या पन्नास वर्षपूर्तीनिमित्त वानखेडेचा एक स्वतंत्र स्टॅम्प सादर करण्यात आला आहे.

वानखेडे स्टेडियमच्या पन्नाशीच्या कार्यक्रमादरम्यान सुनील गावस्करांचा ७५ वा वाढदिवस साजरा केला. सुनील गावस्करांना येत्या १० जुलैमध्ये ७५ वर्षे पूर्ण होणार आहेत. २०२५ सुरू होताच त्यांनी ७५ व्या वर्षात पदार्पण केलं आहे. केक कापून आणि बॉलीवूड गायक शेखर रावजियानी याच्या गाण्यासह त्यांना शुभेच्छा देण्यात आल्या.

वानखेडेच्या पन्नाशीच्या कार्यक्रमात यंदा पाकिस्तानात होणाऱ्या चॅम्पियन्स ट्रॉफी स्पर्धेचा करंडक आणण्यात आला. या करंडकाबरोबर स्टेजवर उपस्थित भारताच्या दिग्गजांनी फोटोही काढला. याचबरोबर रोहित शर्माने चॅम्पियन्स ट्रॉफी जिंकण्याचा प्रयत्न करू आणि सर्व भारतीयांचा पाठिंबा असेल, असेही सांगितले.

वानखेडे स्टेडियमच्या पन्नाशीचा कार्यक्रम सुरू झाला आहे. या कार्यक्रमासाठी स्टेजवर सचिन तेंडुलकर, सुनील गावस्कर, डायना इडुलजी, रवी शास्त्री, दिलीप वेंगसरकर, रोहित शर्मा, अजिंक्य रहाणे या खेळाडूंशी संवाद साधला जात आहे.

वानखेडे स्टेडियमच्या पन्नाशीचा कार्यक्रम वानखेडे स्टेडियमवर सुरू झाला आहे. सचिन सचिन सचिनच्या आवाजाने संपूर्ण वानखेडे दुमदुमलं आहे. वानखेडेमध्ये स्टेजवर सचिन जातानाचा हा व्हीडिओ आहे.

बाळासाहेबांच्या एका इशाऱ्यावरून शिवसैनिकांनी एकेकाळी मुंबईतील वानखेडे स्टेडियमचं पिच खोदलं होतं. पण हा नेमका प्रसंग काय आहे वाचा खाली दिलेल्या लिंकवर

Wankhede Stadium: बाळासाहेबांचा इशारा अन् शिवसैनिकांनी वानखेडेचं पिच खोदलं, पाकिस्तान बरोबरच्या ‘त्या’ सामन्यापूर्वी नेमकं काय घडलं होतं?

मुंबईतील ऐतिहासिक वानखेडे स्टेडियमच्या पन्नाशीच्या कार्यक्रमाला चॅम्पियन्स ट्रॉफीने वानखेडेवर हजेरी लावली आहे. या ट्रॉफीचा व्हीडिओ एमसीएने शेअर केला आहे.

वानखेडे स्टेडिमय आणि शाहरुख खान हा वाद सर्वांनाच माहित आहे. आयपीएल सामन्यातील वादानंतर शाहरूख खानवर वानखेडे स्टेडियम आणि आजूबाजूच्या परिसरात ५ वर्षे येण्याची बंदी घालण्यात आली होती. काय होतं हे संपूर्ण प्रकरण खाली दिलेल्या लिंकवर वाचा

Wankhede Stadium: वानखेडे स्टेडियममध्ये शाहरूख खानवर का घातली होती ५ वर्षांची बंदी? किंग खानने कोणाला केली होती शिवीगाळ?

वानखेडे स्टेडियम अनेक ऐतिहासिक प्रसंगांचा साक्षीदार राहिला आहे. रवी शास्त्रींचे ६ चेंडूत ६ षटकार, २०११ चा भारताचा वर्ल्ड कप विजय अन् मास्टर ब्लास्टर सचिन तेंडुलकरची निवृत्ती… वानखेडेवरील काही ऐतिहासिक प्रसंग पाहा खाली दिलेल्या लिंकवर

Wankhede Stadium : धोनीचा विश्वविजयी षटकार ते फ्लिनटॉफचं शर्टलेस सेलिब्रेशन, ‘हे’ आहेत वानखेडे स्टेडियमवरील पाच रोमांचक सामने

वानखेडे स्टेडियम हे श्री. शेषराव वानखेडे यांच्या अथक प्रयत्नातून आणि परिश्रमातून उभं राहिलं आहे. पण या स्टेडियमच्या उभारणीमागचा किस्सा तितकाच रंजक आहे. एका मराठी माणसाच्या अपमानातून हे ऐतिहासिक वानखेडे स्टेडियम अवघ्या १३ महिन्यांत उभं राहिलं आहे. संपूर्ण कहाणी वाचा खाली दिलेल्या लिंकवर

भारताचे दिग्गज आणि माजी खेळाडू सुनील गावस्कर आणि डियाना इडुलजी देखील या कार्यक्रमाला उपस्थित असणार आहेत.

वानखेडे स्टेडियमच्या पन्नाशीच्या कार्यक्रमाला भारतीय क्रिकेट संघाचे मुंबईकर खेळाडू उपस्थित राहणार आहेत. मुंबई क्रिकेट संघाने रोहित शर्मा, सूर्यकुमार यादव, अजिंक्य रहाणे, शार्दुल ठाकूर, यशस्वी जैस्वाल आणि शिवम दुबे यांचा एक फोटो पोस्ट करत खेळाडू उपस्थित राहणार असल्याचे सांगितले आहे.

वानखेडे स्टेडियमवर काहीच वेळात हा भव्य दिव्य असा कार्यक्रम सुरू होणार आहे. मुंबई क्रिकेट असोसिएशन त्यांच्या ऑफिशियल सोशल मीडियावरून याचे अपडेट देत आहे.

वानखेडे स्टेडियमच्या पन्नाशीनिमित्त या स्टेडियममध्ये आज मुंबई क्रिकेट असोसिएशनने विविध कार्यक्रमांचं आयोजन केलं आहे. वानखेडे स्टेडियममध्ये सुप्रसिध्द मराठी गायक जोडी अजय-अतुल आणि मराठी सुप्रसिद्ध गायक अवधुत गुप्ते यांच्या गाण्याचा सुमधुर कार्यक्रम असणार आहे. याशिवाय मुंबईतील क्रिकेटपटू जे पूर्वीपासून वानखेडेवर खेळत मोठे झाले असे भारताचे आजी माजी क्रिकेटपटू हजेरी लावतील. दरम्यान ते त्यांच्या या स्टेडियमवर खेळतानाच्या काही आठवणीही सांगणार आहेत. याशिवाय लेझर शोदेखील होणार आहे.

मुंबईतील प्रसिद्ध वानखेडे स्टेडियमला आज म्हणजेच १९ जानेवारी २०२५ रोजी ५० वर्षे पूर्ण झाली आहेत. अनेक विविध प्रसंगांचा साक्षीदार असलेलं मुंबईतील हे ऐतिहासिक स्टेडियम आज ५० वर्षांचं झालं. यानिमित्ताने मुंबई क्रिकेट असोसिएशन आठवडाभर अनेक विविध कार्यक्रमांचं आयोजन केलं होतं. या अमृत महोत्सवी सोहळ्याची सांगता आजच्या वानखेडेवरील कार्यक्रमाने होईल.