Australia issues new rules ahead of World Cup 2023: एकदिवसीय विश्वचषक २०२३ च्या पूर्वी, क्रिकेट ऑस्ट्रेलियाने आंतरराष्ट्रीय आणि देशांतर्गत क्रिकेट खेळणाऱ्या सर्व फलंदाजांना एक नियम अनिवार्य केला आहे. वेगवान गोलंदाज आणि मध्यमगती गोलंदाजांचा सामना करताना नेक गार्ड (मानेची रक्षा करणारे कवच) घालणे अनिवार्य केले आहे. स्टीव्ह स्मिथ आणि डेव्हिड वॉर्नरसह अनेक कांगारू फलंदाज नेक गार्ड वापरणे टाळत आहेत, परंतु आता नवीन नियमांनुसार प्रत्येकाने ते परिधान करणे आवश्यक आहे.
क्रिकेट डॉट कॉम एयूच्या अहवालानुसार, क्रिकेट ऑस्ट्रेलियाने जारी केलेल्या नवीन नियमांनुसार १ ऑक्टोबरपासून नेक गार्ड किंवा नेक प्रोटेक्टर घालणे अनिवार्य होईल. जर कोणत्याही फलंदाजाने त्याचा वापर करण्यास टाळले, तर त्याला क्रिकेट ऑस्ट्रेलियाच्या नवीन नियमांनुसार अडचणींचा सामना करावा लागेल. २०२३-२४ च्या हंगामापासून खेळण्याच्या स्थितीत बदल झाल्यामुळे, नेक गार्ड अनिवार्य होतील. हेल्मेटच्या मागील बाजूस नेक प्रोटेक्टर बसवले जाईल किंवा फिक्स केले जाईल.
दक्षिण आफ्रिका दौऱ्यावर असलेला ऑस्ट्रेलियन संघाचा अष्टपैलू खेळाडू कॅमेरून ग्रीनला फलंदाजी करताना आफ्रिकेचा वेगवान गोलंदाज कागिसो रबाडाच्या चेंडूला लागला, त्यानंतर त्याला रिटायकर्ड हर्ट व्हावे लागले. दोन्ही संघामध्ये खेळल्या गेलेल्या पहिल्या एकदिवसीय सामन्यादरम्यान ही घटना घडली. त्यानंतरच एका आठवड्यानंतर नेक गार्ड नियम जारी करण्यात आला.
२०१५ मध्ये, ऑस्ट्रेलियाने देशांतर्गत क्रिकेटपटू फिलिप ह्यूजचा चेंडू लागून मृत्यू झाला होता. यानंतर नेक गार्ड घालण्याची शिफारस करण्यास सुरुवात केली होती. मात्र, आतापर्यंत अनेक फलंदाज यापासून बचाव करत आहेत. अशा परिस्थितीत आता ते अनिवार्य करण्यात आल्याने त्यांची आता अवघड जाणार आहे.
हेही वाचा – Virat Kohli: १४ वर्षांपासून भेटीची वाट पाहत असलेल्या चाहत्याचे विराटने स्वप्न केले पूर्ण, पाहा व्हायरल VIDEO
स्टीव्ह स्मिथने नेक गार्ड वापरून सांगितले होते की यामुळे त्याला ‘क्लॉस्ट्रोफोबिक’ वाटले. २०१९ च्या अॅशेसमध्ये इंग्लिश वेगवान गोलंदाज जोफ्रा आर्चरच्या बाउन्सरने स्मिथला खूप वेगाने फटका बसला. स्मिथने नेक गार्डची तुलना एमआरआय स्कॅन मशीनशी केली होती. तो म्हणाले की, “मी त्याची तुलना एमआरआय स्कॅन मशीनमध्ये अडकण्याशी करतो.” याशिवाय, वॉर्नरने २०१६ मध्ये सांगितले होते की, तो घालत नाही आणि घालणार नाही. कारण ते त्याच्या मानेला टोचते, ज्यामुळे त्याचे लक्ष विचलित होते.