IND vs AUS: भारताच्या पराभवानंतर वसीम अक्रमने खेळपट्टीबाबत केला प्रश्न उपस्थित; म्हणाला, “दोन्ही संघांना समान संधी…”

भारताच्या पराभवाने केवळ चाहतेच नाही तर माजी दिग्गजांनाही आश्चर्याचा धक्का बसला आहे. फायनलमध्ये भारताच्या पराभवानंतर पाकिस्तानचा माजी गोलंदाज वसीम अक्रमने नाणेफेकबाबत मोठे विधान केले आणि नाणेफेक गमावणे भारताचे दुर्दैव असल्याचे मान्य केले. वसीम म्हणाला की, “फायनलसारख्या सामन्यांमध्ये नाणेफेक महत्त्वाची ठरणे हे मोठ्या सामन्यांसाठी चांगले नाही.”

आणखी वाचा

Harbhajan Singh : ‘जर सुरुवात चांगली झाली नाही तर…’, हरभजन सिंगचे पर्थ कसोटीपूर्वी मोठं वक्तव्य; म्हणाला, ‘पहिलाच सामना खूप…’

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

AUS vs PAK: ७ षटकांच्या सामन्यातही पाकिस्तानचा लाजिरवाणा पराभव, ऑस्ट्रेलियाच्या विजयात मॅक्सवेलची स्फोटक खेळी

Mohammad Rizwan : ‘मी फक्त टॉस आणि प्रेझेंटेशनसाठी कर्णधार…’, ऑस्ट्रेलियाविरुद्धच्या ऐतिहासिक विजयानंतर मोहम्मद रिझवानचे मोठे वक्तव्य

IND vs AUS : ‘ते पहिल्याच सामन्यात कळेल…’, गंभीरने पॉन्टिंगची बोलती बंद केल्यानंतर माईक हसीचे मोठे वक्तव्य; म्हणाला, ‘भारताला त्रास होईल…’

AUS vs PAK : पाकिस्तानने २२ वर्षांनी नोंदवला ऐतिहासिक विजय, भारताला मागे टाकत ‘हा’ खास पराक्रम करणारा ठरला पहिला आशियाई संघ

AUS vs PAK : पाकिस्तानने २२ वर्षांनंतर ऑस्ट्रेलियात फडकावला झेंडा, वर्ल्ड चॅम्पियन संघाला घरच्या मैदानावर पाजलं पाणी

Pak vs Aus: भारताविरूद्धची तयारी पडली कांगारुंना भारी; पाकिस्तानने उडवला १४० धावात खुर्दा

‘ए’स्पोर्ट्सशी बोलताना वसीम म्हणाला, “दोन्ही संघांनी अंतिम फेरी गाठण्यासाठी खूप मेहनत घेतली होती. अशा परिस्थितीत दोन्ही संघांना सामन्यात समान संधी मिळायला हवी. नाणेफेकीवर खेळाचा निर्णय घेतला जाऊ नये. मला माहीत आहे की, आजच्या काळात दिवस-रात्र सामन्याला जास्त महत्व दिले जाते कारण, चाहते मोठ्या प्रमाणावर स्टेडियममध्ये येतील. टीव्ही टेलिकास्ट करणाऱ्यांना यामुळे अधिक फायदा होईल. जास्तीत जास्त लोक टीव्हीवर सामना बघतील आणि प्रेक्षकसंख्या वाढेल. मात्र, यामुळे दीड महिना कष्ट करणाऱ्या संघावर अन्याय होतो हे पण लक्षात घेणे महत्वाचे आहे. भारताने संपूर्ण विश्वचषकात चांगली कामगिरी केली. शेवटच्या सामन्यासाठी दव हा मोठा घटक ठरणे हे दोन्ही संघासाठी तितकेच अन्यायकारक आहे आणि तो अन्याय भारतावर झाला. एवढा खेळ केल्यावर सामन्यामध्ये नाणेफेक महत्त्वाचा ठरला.”

वसीम अक्रम पुढे म्हणाला की, “जर आशिया खंडातील देशात जर नाणेफेक महत्वाची ठरत असेल तर मग दोन्ही संघांसाठी ही समस्या असेल. यामुळे क्रिकेट आणि पर्यायाने पराभूत होणाऱ्या संघाचे हे खूप मोठे नुकसान आहे. तुम्ही खूप मेहनत करून अंतिम फेरीत पोहोचला आहात त्यामुळे तुम्हाला समान संधी मिळायला हवी होती. अशावेळी तुम्ही सामना दिवस-रात्र ठेवण्याऐवजी दिवसा सामना करायला हवा होता.”

हेही वाचा: IND vs AUS Final: “मी निराश झालोय पण लाजिरवाणी गोष्ट…”, सुनील गावसकरांचं टीम इंडियाबाबत मोठे विधान

याशिवाय वसीमने असेही सांगितले की, “जर दव पडण्याची समस्या असेल तर तुम्ही दिवसाचे सामने आयोजित केले पाहिजेत किंवा स्टेडियम झाकण्याचा विचार करा. जर दोन्ही संघांना समान संधी द्यायची असेल तर काहीतरी यापुढे आयसीसीला करावे लागेल.” त्याचवेळी अक्रम म्हणाला की, “उपांत्य फेरीऐवजी प्ले-ऑफ स्पर्धा आयोजित करण्याचा विचार आयसीसीने करायला हवा. कारण, जर एक वाईट दिवस आला तर सर्वोत्कृष्ट संघ स्पर्धेबाहेर होतो. मला वाटतं आता यावर विचार करण्याची वेळ आली आहे, प्लेऑफचे आयोजन केले पाहिजे.”

याबरोबरच वसीम म्हणाला, “हे बघा, इथे नाणेफेक फार महत्त्वाची नसते पण रात्री दव पडण्याची समस्या नक्कीच असते. म्हणूनच मी म्हणत होतो की, जेव्हा मोठे सामने असतात तेव्हा दिवसाचे सामने व्हायला हवेत. या सामन्यात उत्तार्धात खेळणाऱ्या संघासाठी फलंदाजी सोपी झाली. रात्री खेळपट्टी फलंदाजीसाठी चांगली झाली होती. म्हणूनच मी म्हणत होतो की, दोन्ही संघांना समान संधी मिळायला हव्यात.”

अंतिम फेरीत भारताने प्रथम फलंदाजी करत २४० धावा केल्या होत्या, त्यानंतर ऑस्ट्रेलियाने ४ विकेट्स गमावून लक्ष्य गाठले. ऑस्ट्रेलियासाठी ट्रॅविस हेडने १३७ धावांची शानदार खेळी करत ऑस्ट्रेलियाला सहाव्यांदा विश्वविजेतेपद मिळवून दिले. भारताकडून रोहितने ४७ धावा, विराटने ५४ धावा आणि के.एल. राहुलने ६६ धावा केल्या, पण संघाची धावसंख्या ३०० पर्यंत नेऊ शकला नाही. अंतिम फेरीत भारतीय फिरकीपटूही अपयशी ठरले. कुलदीप आणि जडेजा विकेट घेऊ शकले नाहीत, तर दुसरीकडे बुमराहला केवळ २, शमी आणि सिराजला प्रत्येकी एकच विकेट घेता आली.