आजचा दिवस हा चेन्नई सुपर किंग्जचा (सीएसके) वेगवान गोलंदाज दीपक चाहरसाठी अविस्मरणीय दिवस होता. आज पंजाब किंग्जविरुद्धच्या सामन्यात चेन्नई सुपर किंग्जला ६ गड्यांनी पराभवाला सामोरे जावे लागले, पण दीपक चहरने हा दिवस चेन्नईच्या चाहत्यांसाठी आनंदात बदलून टाकला. पंजाबविरुद्धच्या सामन्यानंतर दीपक चहरने त्याची मैत्रीण जया भारद्वाजला स्टेडियममध्ये सर्वांसमोर प्रपोज केले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

या घटनेनंतर दीपक आणि जया यांनी हा खास क्षण सीएसकेच्या कुटुंबासोबत शेअर केला. सीएसकेचे खेळाडू आणि त्यांचे कुटुंबही तेथे उपस्थित होते. सर्वांनी त्यांच्यासोबत दीपक आणि जयाचा आनंद साजरा केला. केक कापल्यानंतर धोनी आणि सहकाऱ्यांनी दीपकला केकने अंघोळ घातली.

स्टेडियममध्ये प्रपोज केल्यानंतर उपस्थित लोकांनी टाळ्यांच्या गजरात दोघांचे अभिनंदन केले. दीपकची मैत्रीण जया भारद्वाज दिल्लीची आहे आणि एका कॉर्पोरेट कंपनीत काम करते. जया प्रसिद्ध रियालिटी शो ‘बिग बॉस’ सीझन ५ चा स्पर्धक सिद्धार्थ भारद्वाजची बहीण आहे.

हेही वाचा – T20 World Cup : “भारताला हरवा आणि मिळवा…”, रमीझ राजांची पाकिस्तानी खेळाडूंना ‘बंपर’ ऑफर!

दीपकला केकची अंघोळ

सामना संपल्यानंतर जेव्हा चेन्नई सुपर किंग्जचा संघ हॉटेलमध्ये परतला तेव्हा या नव्या जोडप्याचे जोरदार स्वागत करण्यात आले. हॉटेल लॉबीमध्ये दीपक आणि जयासाठी केक तयार होता. दोघांनी मिळून केक कापला आणि एकमेकांना खाऊ घातला. यानंतर सुरेश रैनाने जयाला बाजूला होण्याचे संकेत दिले. मग धोनीने दीपकला घट्ट पकडले. यानंतर सुरेश रैना, रवींद्र जडेजा आणि संघातील इतर खेळाडूंनी दीपकला केकमध्ये अंघोळ घातली. त्याचवेळी साक्षी धोनीने जयाला मिठी मारली आणि तिचे अभिनंदन केले. सुरेश रैनाची मुलगी ग्रासिया देखील दीपक आणि जयाचे अभिनंदन करताना दिसली.