विराट कोहलीच्या नेतृत्वाखाली भारतीय संघ २०२० वर्षात नवीन आव्हानासाठी सज्ज झाला आहे. घरच्या मैदानावर भारताला श्रीलंका आणि ऑस्ट्रेलिया या संघांचा सामना करायचा आहे. रविवारी श्रीलंकेविरुद्ध पहिल्या टी-२० सामन्याआधी कर्णधार विराट कोहलीच्या चाहत्याने एक अनोखी भेटवस्तू विराटला दिली. BCCI ने आपल्या सोशल मीडिया अकाऊंटवर हा व्हिडीओ शेअर केला आहे.
गुवाहटी शहरात राहणाऱ्या राहुल पारिख या तरुणाने जुने मोबाईल आणि त्यांच्या तुटलेल्या भागांपासून विराट कोहलीचं एक सुंदर पोर्ट्रेट तयार केलं आहे. सामन्याआधी राहुलने हॉटेलमध्ये विराटची भेट घेत त्याला भेटवस्तू दिली. राहुलची ही कला पाहून विराटही अवाक झाला. आपल्या आवडत्या खेळाडूला समोर बघितल्यानंतर राहुलच्या चेहऱ्यावरचा आनंदही ओसंडून वाहत होता. त्यामुळे नवीन वर्षात भारतीय संघ आता विराटच्या नेतृत्वाखाली कशी कामगिरी करतो याकडे सर्वांचं लक्ष असणार आहे.
