विश्वचषकात गाफील राहुन चालणार नाही – जोर्द मरीन

अवश्य वाचा – २०१८ हॉकी विश्वचषकसाठी भारताचा सोप्या गटात समावेश

“विश्वचषकाची स्पर्धा असल्यामुळे प्रत्येक संघ या स्पर्धेत सर्वोत्तम कामगिरी करण्याचा प्रयत्न करणार आहे. त्यामुळे घरच्या मैदानावर खेळत असलो तरीही आम्हाला गाफील राहून चालणार नाही. प्रत्येक सामना जिंकून खेळात सुधारणा करण्याकडे आमचा कल असणार आहे.” सुलतान अझलन शहा स्पर्धेसाठी मलेशियात पोहचलेल्या जोर्द मरीन यांनी पीटीआयला दिलेल्या मुलाखतीत आपलं मत मांडलं आहे.

विश्वचषकात भारताचा सलामीचा सामना दक्षिण आफ्रिकेविरुद्ध होणार आहे. यानंतर भारताला बेल्जियम आणि कॅनडाविरुद्ध दोन हात करायचे आहेत. “बेल्जियम हा आमच्यासाठी सर्वात कडवा प्रतिस्पर्धी आहे, मात्र याआधीच्या काही स्पर्धांमध्ये आम्ही त्यांना मात देऊ शकतो हे आम्ही दाखवून दिलं आहे. त्यामुळे विश्वचषकात या इतिहासाची पुनरावृत्ती करायला आम्हाला आवडेलं. मात्र कोणत्याही संघाला कमी लेखून आम्हाला चालणार नाही.” मरीन यांनी विश्वचषक स्पर्धेसाठी भारतीय संघाच्या तयारीबद्दल माहिती दिली.