गोलंदाजी भारी पण, फलंदाजीत सुधारणा गरजेची – विराट

‘सध्याच्या भारतीय संघाकडे सर्वोत्कृष्ट गोलंदाजांची फळी आहे. पण फलंदाजांनी आपली जबाबदारी समजून चांगली कामगिरी करणे गरजेचे आहे. भारतीय संघातील प्रत्येक खेळाडूला आपली जबाबदारी समजायला हवी. प्रत्येकाने आपली सर्वोत्तम कामगिरी करायला हवा. खेळाडूंच्या कामगिरीत सुधारणेला वाव आहे. जर प्रत्येक खेळाडूने आपली जबाबदारी ओळखून खेळ केल्यास सामनाच नाही, तर मालिकाही जिंकू असा विश्वास भारतीय संघाचा कर्णधार विराट कोहलीने व्यक्त केला आहे. ऑस्ट्रेलिया दौऱ्यावर जाण्याआधी कर्णधार विराट कोहली आणि प्रशिक्षक रवी शास्त्री यांची मुंबई येथे पत्रकार परिषद झाली. ऑस्ट्रेलिया दौऱ्यात भारतीय संघ तीन टी२०, चार कसोटी आणि तीन एकदिवसीय सामने खेळणार आहे.