IND vs WI Test: लाजिरवाण्या पराभवानंतर दुसऱ्या सामन्यासाठी वेस्ट इंडिजचा संघ जाहीर, ‘या’ युवा खेळाडूला मिळाली संधी

दुसऱ्या कसोटी सामन्यासाठी वेस्ट इंडिजच्या संघात बदल करण्यात आला आहे. अष्टपैलू रॅमन रेफरच्या जागी फिरकीपटू केविन सिंक्लेअरला संघाचा भाग बनवण्यात आले आहे. रेमन रेफर पहिल्या कसोटीत प्लेइंग इलेव्हनचा भाग होता. मात्र, दोन्ही डावात तो अपयशी ठरला. त्यामुळे त्याला संघातून डच्चू देण्यात आला आहे.

रेफरने पहिल्या डावात दोन आणि दुसऱ्या २ चौकारांच्या मदतीने आणि दुसऱ्या डावात ११ धावा केल्या होत्या. त्याचबरोबर त्याने गोलंदाजीमध्ये ४ षटके टाकली, ज्यामध्ये त्याने १६ धावा दिल्या आणि त्याला एकही विकेट मिळाली नाही. आत्तापर्यंत रेफरने आपल्या कारकिर्दीत ८ कसोटी, ६ एकदिवसीय आणि ३ टी-२० आंतरराष्ट्रीय सामने खेळले आहेत.

हेही वाचा – VIDEO: धोनीच्या गॅरेजमधील कार आणि बाईक्सची संख्या पाहून चकीत झाला व्यंकटेश प्रसाद; म्हणाला, ‘हे तर शोरुम…’

केविन सिंक्लेअरने वेस्ट इंडिजकडून मिळणार कसोटी पदार्पणाची संधी?

केविन सिंक्लेअरने आतापर्यंत वेस्ट इंडिजकडून एकही कसोटी सामना खेळलेला नाही. त्याने मार्च २०२१ मध्ये श्रीलंकेविरुद्ध टी२० आंतरराष्ट्रीय क्रिकेटमध्ये पदार्पण केले होते. आतापर्यंत त्याने ७ वनडे आणि ६ टी-२० आंतरराष्ट्रीय सामने खेळले आहेत. एकदिवसीय सामन्यांमध्ये त्याने २५.६३ च्या सरासरीने ११ विकेट्स घेतल्या आहेत. तसेच आंतरराष्ट्रीय टी-२० मध्ये त्याने ३७.५०च्या सरासरीने ४ विकेट्स घेतल्या आहेत.

हेही वाचा – Smriti Mandhana Birthday: टीम इंडियाच्या नॅशनल क्रशचा आज २७वा वाढदिवस, जाणून घ्या तिची आतापर्यंतची कामगिरी

भारताविरुद्धच्या दुसऱ्या कसोटीसाठी वेस्ट इंडिजचा संघ –

क्रेग ब्रॅथवेट (कर्णधार), जर्मेन ब्लॅकवुड (उप-कर्णधार), अलिक अथानेज, टॅगिनेरयन चंदरपॉल, रहकीम कॉर्नवॉल, जोशुआ दा सिल्वा, शॅनन गॅब्रिएल, जेसन होल्डर, अल्झारी जोसेफ, किर्क मॅकेन्झी, केमार रोच, केविन सिंक्लेअर, जोमेल वॉरिकन.