IND vs WI : पडझडीनंतर विंडीजची झुंज; पहिल्या दिवसअखेर ७ बाद २९५

दुसऱ्या सत्रात हेटमेयर १२ धावांवर आणि अम्बरीस १८ धावांवर झटपट बाद झाले. या दोघांना कुलदीप यादवने बाद केले. त्यानंतर डावरीचने काही काळ संघर्ष केला, पण त्याला मोठी धावसंख्या उभारता आली नाही. तो ३० धावा करून बाद झाला. त्याला उमेश यादवने पायचीत केले.

तिसऱ्या सत्रात मात्र विंडीजच्या होल्डर – चेस जोडीने भारताच्या गोलंदाजांना चांगलाच चोप दिला. या दोघांनी शतकी (१०४) भागीदारी केली. अर्धशतकी खेळी केल्यानंतर कर्णधार जेसन होल्डर ५२ धावांवर बाद झाला. उमेश यादवने त्याला तंबूत धाडले. पण चेसने एका बाजूने किल्ला लढवला. सध्या चेस शतकापासून २ धावा दूर आहे. तर देवेंद्र बिशू २ धावांवर खेळत आहे.