Who is Aman sehrawat: भारताचा तरूण कुस्तीपटू अमन सेहरावतने पॅरिस ऑलिम्पिकमध्ये भारताला कुस्तीतील पहिलं पदक मिळवून दिलं आहे. अमनने ५७ किलो वजनी गटात भारताला कांस्यपदक मिळवून दिले आहे. अमनने पोर्तो रिकोचा कुस्तीपटू डेरियन तोई क्रूझचा १३-५ असा पराभव करून कांस्यपदक जिंकले. अमनने सुरूवातीपासूनच आक्रमक खेळ करत कायम आघाडी ठेवली आणि कांस्यपदकाला गवसणी घातली. पण हा अमन सेहरावत नेमका आहे तरी कोण, जाणून घ्या. हेही वाचा - २१ वर्षीय अमन सेहरावतने पॅरिसमध्ये जिंकलं कुस्तीतील पहिलं पदक, भारतीय कुस्तीची परंपरा ठेवली कायम कोण आहे अमन सेहरावत? (Who is Aman Sehrawat) हरियाणातील झज्जर येथील अमनने लहानपणीच आपले आई-वडील गमावले. आई-वडिलांच्या मृत्यूनंतर घरची आर्थिक परिस्थितीही बेताची होती, त्याच्या आजोबांनी त्याचा सांभाळ केला. याशिवाय त्याला एक लहान बहीणही आहे, जिच्या शिक्षणाच्या खर्चाची जबाबदारीही त्याच्या खांद्यावर आहे. तो आर्थिक संकटाचाही सामना करत होता, पण या सर्व आव्हानांना न जुमानता त्याच्या खंबीर धैर्याने त्याला इथपर्यंत नेले आहे. सुशील कुमारला प्रेरणास्थान मानणाऱ्या अमन सेहरावतने पुन्हा एकदा देशाची मान उंचावली आहे. त्याने शुक्रवारी पॅरिस ऑलिम्पिकमध्ये देशाला कांस्यपदक मिळवून दिले. ५७ किलो वजनी गटात पुरुषांच्या फ्री स्टाईल कुस्तीमध्ये अमनने कांस्यपदकाच्या लढतीत पोर्तो रिकोचा कुस्तीपटू डेरियन तोई क्रूझचा पराभव केला. मात्र, इथपर्यंत पोहोचण्यासाठी त्याला खूप संघर्ष करावा लागला. हेही वाचा - Vinesh Phogat: विनेश फोगटला पदक मिळणार की नाही? याचिकेसंदर्भात आली नवी अपडेट… अमनने २०२१ मध्ये पहिले राष्ट्रीय विजेतेपद जिंकले. त्यानंतर तो प्रशिक्षक ललित कुमार यांच्या हाताखाली प्रशिक्षण घेत असे. २०२२ मधील अंडर-२३ आशियाई चॅम्पियनशिपमध्ये सुवर्णपदकानंतर, सेहरावत २३ वर्षांखालील जागतिक स्पर्धेत सुवर्णपदक जिंकणारा पहिला भारतीय ठरला. एप्रिल २०२३ मध्ये, त्याने अस्ताना येथे २०२३ आशियाई कुस्ती स्पर्धेत सुवर्णपदक जिंकले. यानंतर त्याने २०२२ च्या आशियाई क्रीडा स्पर्धेत ५७ किलो गटात कांस्यपदक जिंकले. ऑलिम्पिक २०२४ मध्ये पुरुषांच्या ५७ किलो फ्रीस्टाइल कुस्ती स्पर्धेत, त्याने उपांत्य फेरीत अव्वल मानांकित री हिगुचीकडून पराभूत होण्यापूर्वी व्लादिमीर एगोरोव्ह आणि झेलिमखान अबाकारोव्ह यांना तांत्रिक श्रेष्ठतेने पराभूत केले. आता त्याने कांस्यपदकाच्या लढतीत क्रुझचा पराभव करून ऑलिम्पिक पदकाचे स्वप्न पूर्ण केले. अमन सेहरावतची कामगिरी १९वा आशियाई खेळ (२०२३) - कांस्य२०२३ वरिष्ठ आशियाई चॅम्पियनशिप - सुवर्ण२०२२ अंडर-२३ वर्ल्ड चॅम्पियनशिप - सुवर्ण२०२२ अंडर-२३ आशियाई चॅम्पियनशिप - सुवर्ण२०२२ अंडर-२० आशियाई चॅम्पियनशिप - कांस्य२०२४ रँकिंग सिरीज, झाग्रेब ओपन - गोल्ड२०२४ रँकिंग सिरीज, पॉलीक इमरे आणि वर्गो जानोस मेमोरियल - रौप्य२०२३ रँकिंग सिरीज, झाग्रेब ओपन - कांस्य२०२२ रँकिंग सिरीज, झऊहेयर सगेहर - रौप्य२०२२ रँकिंग सिरीज, यासर डोगू - कांस्य२०२२ रँकिंग सिरीज, डॅन कोलोव्ह आणि निकोला पेट्रोव्ह - रौप्य
