Ranji Trophy: कोण आहे गुरजपनीत सिंह? विराट कोहलीच्या सल्ल्याने चेतेश्वर पुजाराला रणजी ट्रॉफीमध्ये केलं आऊट, ठरला तमिळनाडूच्या विजयाचा हिरो

एमए चिदंबरम स्टेडियमवर बांगलादेशविरुद्धच्या कसोटी मालिकेपूर्वी भारतीय संघाच्या शिबिरात गुरजपनीत सिंह हा नेट गोलंदाज होता, त्याने विराट कोहलीला नेटमध्ये सराव करताना बाद केले. विराटला बाद केल्यानंतर त्याने सेलिब्रेशन केले नाही, पण बाद झाल्यानंतर कोहलीने त्याच्याकडे असा एक कटाक्ष टाकला, जे डाव्या हाताचा हा वेगवान गोलंदाज नक्कीच कधी विसरणार नाही. त्यानंतर कोहलीने स्ट्रेट ड्राइव्हने त्याला प्रत्युत्तर दिले. या सराव सत्राच्या शेवटी भारताच्या माजी कर्णधाराने या युवा वेगवान गोलंदाजाबरोबर चर्चा करताना दिसला.

आणखी वाचा

धंगेकर-रासने लढतीच्या दुसऱ्या फेरीत कोणाची बाजी?

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Akbaruddin Owaisi: “काँग्रेसमुळे मुस्लिमांवर ‘ही’ वेळ”, एमआयएमचे नेते अकबरुद्दीन ओवेसी यांचा काँग्रेसवर आरोप

रणजी करंडक क्रिकेट स्पर्धा: मुंबईकडून ओडिशाचा डावाने धुव्वा

निराशाजनक पराभवामुळे आव्हान खडतर! विजय निसटल्याची महाराष्ट्राचे प्रशिक्षक सुलक्षण कुलकर्णी यांना खंत

Ranji Trophy : शम्स मुलानीच्या भेदक गोलंदाजीच्या जोरावर मुंबईने ओडिशाचा उडवला धुव्वा! एक डाव आणि १०३ धावांनी चारली धूळ

Suryakumar Yadav : संजू सॅमसनला नडणाऱ्या मार्को यान्सनशी भिडला सूर्या, लाइव्ह सामन्यातील वादावादीचा VIDEO व्हायरल

Ruturaj Gaikwad: “अपील करायला लाज वाटली पाहिजे…”, ऑस्ट्रेलियातून महाराष्ट्रासाठी धावून आला ऋतुराज गायकवाड, रणजीमधील कॅचचा व्हीडिओ केला शेअर

हेही वाचा – Babar Azam: “हे दिवसही निघून जातील…”, बाबरने विराटसाठी केलेलं ट्वीट होतंय व्हायरल, विराटकडे बाबर आझमला पाठिंबा देण्याची चाहत्यांची मागणी

गुरजपनीतने इंडियन एक्स्प्रेसशी बोलताना सांगितले की, “विराटला गोलंदाजी केल्यानंतर मी त्याच्याकडे पाहिले आणि पुन्हा पाहण्याचे धाडस करू शकलो नाही. तो खूप जास्त रागावला होता. पण मला जाणवलं की तो इतर कोणत्याही गोष्टीपेक्षा स्वतःवरच जास्त रागावला होता. स्ट्रेट ड्राइव्हनंतर त्याने पुन्हा माझ्याकडे पाहिले आणि हसला. विशेष म्हणजे कोहलीने गुरजपनीतला एक महत्त्वाचा सल्ला दिला. गुरपनीत विराटच्या सल्ल्याबद्दल सांगताना म्हणाला, “त्याने मला सांगितले की जेव्हा कोणतीही हालचाल होत नसते तेव्हा अँगल बदल आणि अराऊंड द विकेट गोलंदाजी करण्याचा प्रयत्न कर. कारण त्या अँगलने गोलंदाजी करताना चेंडू मुव्ह करण्याची संधी मिळेल आणि फलंदाजांना याचा नक्कीच त्रास जाणवेल.

हेही वाचा – Pak vs New: भारतीय महिला संघाचं टी२० वर्ल्डकपमधलं आव्हान संपुष्टात; पाकिस्तानला नमवत न्यूझीलंड सेमी फायनलमध्ये

गुरजपनीतने सौराष्ट्र संघाला दिले लागोपाठ धक्के

रविवारी सूर्यप्रकाशामुळे एसएनआर कॉलेजची खेळपट्टी गोलंदाजांसाठी अनुकूल ठरली नाही. गुरजपनीत नवीन चेंडूने गोलंदाजी करताना अराऊंड द विकेट गोलंदाजी करत होता. आशिष नेहरासारखीच वेगवान आर्म ॲक्शन असलेल्या या वेगवान गोलंदाजाने रणजी ट्रॉफी सामन्यात सौराष्ट्राच्या टॉप ऑर्डरच्या फळीला झटपट तंबूत धाडले. या सामन्यात गोलंदाजी करताना गुरजपनीतने ९ षटकांमध्ये फक्त ७ धावा देत ४ विकेट घेतले. तर सौराष्ट्रच्या दुसऱ्या डावात गुरजपनीतने ५ मेडन षटकं टाकली. मुसळधार पावसामुळे तिसऱ्या दिवसाचा खेळ लवकर संपला, तेव्हा सौराष्ट्रची दुसऱ्या डावाची धावसंख्या ५ बाद ३५ अशी होती.

रणजी ट्रॉफीतील पदार्पणाच्या सामन्यातील पहिल्या डावात गुरजपनीतला एकही विकेट मिळाली नाही. पण गुरजपनीतने दुसऱ्या डावात दाखवून दिले की आयपीएल स्काउट्समध्येही त्याच्याबद्दल खूप चर्चा का आहे. २० मिनिटांच्या पावसाच्या विश्रांतीनंतर गुरजपनीतने चौथ्या षटकात चिराग जानीची पहिली विकेट घेतली. पण चेतेश्वर पुजाराच्या विकेटने सौराष्ट्रच्या संघाची पार कंबरडे मोडले.

हेही वाचा – Hardik Pandya: “अखेर मला असा कोणीतरी भेटला…”, म्हणत ‘या’ भारतीय क्रिकेटपटूच्या बहिणीने शेअर केले हार्दिक पंड्याबरोबरचे फोटो

गुरजपनीतने षटकाची सुरुवात अराऊंड द विकेट गोलंदाजी करत बाउन्सरने सुरूवात केली, ज्यावर पुजारा गोंधळला. यानंतर त्याने गुड लेन्थ बॉल टाकला आणि नंतर एक बाउन्सर टाकला. शेवटी गुरजपनीतने अखेरच्या चेंडूवर कोहलीने दिलेल्या सल्ल्याप्रमाणे गोलंदाजी केली आणि पुजारा शून्यावर पायचीत झाला आणि गुरजपनीतला मोठी विकेट मिळाली. गुरजपनीतच्या उत्कृष्ट गोलंदाजीच्या जोरावर तमिळनाडू संघाने सौराष्ट्र संघावर डाव आणि ७० धावांनी विजय मिळवला.