WPL 2023 2nd Match RCBW vs DCW Updates: महिला प्रीमियर लीग (WPL 2023) च्या दुसऱ्या सामन्यात दिल्ली कॅपिटल्सने रॉयल चॅलेंजर्स बंगळुरुचा ६० धावांनी पराभव केला. ब्रेबॉर्न स्टेडियमवर झालेल्या या सामन्यात दिल्ली कॅपिटल्सने प्रथम फलंदाजी करताना आरसीबीला २२४ धावांचे लक्ष्य दिले होते.ज्याचा पाठलाग करताना बंगळुरू संघ २० षटकांत ८ विकेट गमावून १६३ धावाच करू शकला. दुसरीकडे, दिल्ली कॅपिटल्सच्या तारा नॉरिसने डब्ल्यूपीएलमध्ये ५ विकेट घेणारी पहिली गोलंदाज ठरली.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

तारा नॉरिसने दिल्लीसाठी आणि महिला प्रीमियर लीगमध्ये प्रथमच ५विकेट्स घेतल्या आहेत. ताराने आरसीबीविरुद्धच्या सामन्यात आपल्या गोलंदाजीने दहशत निर्माण केली. तिने पहिल्या दोन षटकात ४ बळी घेण्याचा पराक्रम केला आहे. या चार बळीमध्ये अॅलिस पॅरीच्या विकेटचाही समावेश होता. ताराने पॅरीला बोल्ड करत दिल्लीला मोठे यश मिळवून दिले. ताराने आपल्या चार षटकांत केवळ २९ धावा देत ५ बळी घेतले.

कोण आहे तारा नॉरिस?

तारा नॉरिस २४ वर्षांची आहे, ती एक अमेरिकन खेळाडू आहे. डावखुरी वेगवान गोलंदाज नॉरिसला डीसीने लिलावात १० लाख रुपयांना विकत घेतले. महिला प्रीमियर लीगच्या पहिल्या सत्रातील असोसिएटेड नेशन्समधील ती एकमेव खेळाडू आहे. त्याचबरोबर या लीगमध्ये सहभागी होणारी ती अमेरिकेतील एकमेव खेळाडू आहे. पदार्पणाच्या सामन्यात तिने ज्या पद्धतीने कामगिरी केली आहे, ते पाहता स्पर्धेच्या अखेरीस ती स्टार म्हणून उदयास येईल, असे म्हणणे चुकीचे ठरणार नाही.

२०२१ मध्ये अमेरिकेसाठी पदार्पण केले –

डावखुरा वेगवान गोलंदाज तारा नॉरिसचा जन्म ४ जून १९९८ रोजी फिलाडेल्फिया, पेनसिल्व्हेनिया, यूएसए येथे झाला. २०२१ मध्ये, तिने ब्राझील विरुद्ध अमेरिकेसाठी आंतरराष्ट्रीय टी-२० पदार्पण केले. त्यानंतर तिने मागे वळून पाहिले नाही. यशाच्या पायऱ्या चढतच राहिली. आतापर्यंत खेळलेल्या ५ आंतरराष्ट्रीय सामन्यांमध्ये तिने ७.७५ च्या सरासरीने आणि १.७२ च्या इकॉनॉमीने ४ बळी घेतले आहेत.

हेही वाचा – WPL 2023 GG vs UPW: हरलीन देओलची दमदार फलंदाजी; गुजरात जायंट्सचे यूपी वॉरियर्ससमोर १७० धावांचे लक्ष्य

यासह ताराने पाकिस्तानच्या सोहेल तनवीरच्या स्पेशल क्लबमध्ये तिची जागा पक्की केली आहे. विशेष म्हणजे सोहेलच्या नावावर आयपीएलच्या इतिहासात पहिले ५ बळी घेण्याचा विक्रम आहे. सोहेलने हा पराक्रम ४ मे २००८ रोजी चेन्नई सुपर किंग्जविरुद्ध केला होता. त्याने हा पराक्रम राजस्थान रॉयल्सकडून खेळताना केला होता.