SA vs ENG 2023: L,L,L,L,W,L,L,W,L बेन स्टोक्सनं सांगितली वन डे संघाच्या पराभवाची बाराखडी; इंग्लंड बोर्डाने संघातील जेष्ठ खेळाडूंना दिला इशारा

दक्षिण आफ्रिकेविरुद्धच्या पहिल्या एकदिवसीय सामन्यातील पराभवानंतर विस्डेनने एक ट्विट करून विचारले की एकदिवसीय मध्ये इंग्लंडच्या पराभवाचे सर्वात मोठे कारण काय आहे? हे ट्विट रिट्विट करत बेन स्टोक्स म्हणाला की, “S ने सुरु होणारी आणि E ने शेवट होणारी गोष्टीच्या मध्ये (chedul) चेडुल पण येते.” तसेच तो पुढे संघाचा बचाव जरी करत असला तरी खात्रीलायक सूत्रांच्या माहितीनुसार जर भारतात होणाऱ्या २०२३च्या विश्वचषकाआधी असेच सुरु राहिले तर वरिष्ठ खेळाडूं संदर्भात वेगळा निर्णय घेतला जाऊ शकतो.” मात्र यावर जॉस बटलरने मौन बाळगले आहे.

आणखी वाचा

बाजाराचा तंत्र-कल : शेअर बाजाराला बाळसं की सूज?

Sushma Andhare : “माझी प्रिय भावजय” म्हणत सुषमा…

धंगेकर-रासने लढतीच्या दुसऱ्या फेरीत कोणाची बाजी?

रविवार प्रचारवार; घरोघरी भेटी, गृहनिर्माण संकुलांना भेटी, चौक सभा यांना जोर

चॅम्पियन्स करंडकाबाबत संभ्रमच! वेळापत्रक घोषणेचा आजचा कार्यक्रम ‘आयसीसी’कडून रद्द

‘प्रकल्प रोखणारे सरकार’ला ठाकरे गटाचे फलकबाजीतून उत्तर

महिला, शेतकऱ्यांवर आश्वासनांची खैरात; मविआचा ‘महाराष्ट्रनामा’ जाहीर

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी

याआधी इंग्लिश कसोटी कर्णधार बेन स्टोक्सने थेट वेळापत्रकाला जबाबदार धरत ज्यामुळे त्याने एकदिवसीय फॉरमॅटमधूनही निवृत्ती घेतली आहे. त्याच्या कारकिर्दीच्या शिखरावर असूनही, बेन स्टोक्सने कसोटी आणि टी२० फॉरमॅटवर लक्ष केंद्रित करण्यासाठी एकदिवसीय फॉरमॅटमधून निवृत्ती जाहीर केली होती. २०१९ मध्ये झालेल्या शेवटच्या एकदिवसीय विश्वचषकाच्या अंतिम सामन्यात स्टोक्स इंग्लंडसाठी हिरो ठरला आणि त्याच्या शानदार कामगिरीमुळे त्याच्या संघाने पहिल्यांदा विश्वचषक जिंकला होता. त्याच सामन्यात स्टोक्स सामनावीर देखील ठरला होता.

बेन स्टोक्सचे एकदिवसीय संघात पुनरागमन होणार का?

दक्षिण आफ्रिकेच्या दौऱ्यावर गेलेल्या इंग्लंडच्या एकदिवसीय संघाला सध्या अनेक बड्या खेळाडूंची उणीव भासत आहे. जो रूट, जॉनी बेअरस्टो आणि लियाम लिव्हिंगस्टन यावेळी इंग्लंड संघात नाहीत. हॅरी ब्रूकनेही दक्षिण आफ्रिकेविरुद्धच्या पहिल्या सामन्यात पदार्पण केले होते, पण त्याला त्याचा कसोटीतील फॉर्म पुढे चालू ठेवता आला नाही.

हेही वाचा: Women U19 World Cup: भारताच्या लेकींना आज इतिहास रचण्याची सुवर्णसंधी! टीम इंडियाला खास गुरुमंत्र देण्यासाठी पोहोचला गोल्डन बॉय नीरज चोप्रा

दक्षिण आफ्रिकेविरुद्ध खेळल्या गेलेल्या पहिल्या सामन्यापूर्वी स्टोक्सबद्दल बोलताना इंग्लंड एकदिवसीय संघाचा कर्णधार जोस बटलर म्हणाला की, “जर त्याला (स्टोक्स) विचार बदलायचा असेल तर त्याचे स्वागतच आहे, पण तो उपलब्ध नसल्यास आम्ही आमच्या योजनांवर ठाम राहू.”