Aakash Chopra On Team India Squad For Asia Cup 2023 : आशिया चषकासाठी भारतीय क्रिकेट संघाची घोषणा २१ ऑगस्टला करण्यात आली. परंतु, विकेटकिपर आणि फलंदाज संजू सॅमसनचा संघात समावेश केला नाहीय. संजूला बॅकअप कीपर म्हणून राखीव ठेवण्यात आलं आहे आणि तो मुख्य संघात सामील नाहीय. याबाबत टीम इंडियाचा माजी खेळाडू आकाश चोप्राने मोठी प्रतिक्रिया दिली आहे. त्यांनी म्हटलं की, संजू सॅमसनचा नाव आशिया चषकाच्या संघात असायला पाहिजे होता.
वेस्टइंडिज दौऱ्यावर असताना संजू सॅमसनने चांगली कामगिरी केली नाही. एक-दोन इनिंग्स वगळता इतर सामन्यात संजूला धावांचा सूर गवसला नाही. संजूला जास्त संधी दिली जात नाही, असं त्याचे चाहते सोशल मीडियावर नेहमी म्हणतात. मात्र, वेस्ट इंडिज दौऱ्यावर असताना संजू सॅमसनला पूर्ण संधी मिळाली. परंत, त्याला संधीचं सोनं करता आलं नाही. कदाचित याच कारणामुळे त्याची आशिया चषकाच्या मुख्य संघात निवड केली नाही. तिलक वर्मा आणि सूर्यकुमार यादवला संघात सामील केलं आहे. मात्र, संजू सॅमसनला संघात जागा मिळाली नाही.
संजू सॅमसनला नशिबाची साथ मिळाली नाही – आकाश चोप्रा
आकाश चोप्रा यांनी त्यांच्या यू-ट्यूब चॅनलवर प्रतिक्रिया देत म्हटलं, संजू सॅमसनला मुख्य संघात घेतलं नाही. कोणत्या खेळाडूच्या जागी संजूला सामील करता आलं असतं? तिलक वर्मा किंवा सूर्यकुमार यादवच्या जागेवर तो संघात येऊ शकला असता. संजू १७ सदस्यीय टीमचा भाग होऊ शकला असता. संजू सॅमसनचे चाहते आणि संजूला स्वत:ला अनलकी असल्यासारखं वाटत असेल. कारण त्याने वनडेत चांगली कामगिरी केली होती. वनडेत संजूची सरासरी ५० च्या पुढे आहे आणि वेस्टइंडिजमध्येही त्याने अर्धशतक ठोकलं होतं. तो एक चांगला खेळाडू आहे, यात कोणतीही शंका नाही. त्याच्याकडे अनुभव आहे.
