मी नव्या जोमाने पुनरागमन करेन, जसप्रीत बुमराहने व्यक्त केला आत्मविश्वास

दुखापती हा कोणत्याही खेळाडूच्या आयुष्यातल्या महत्वाचा भाग असतो, त्याला टाळता येत नाही. मला दाखवलेल्या पाठींब्यासाठी मी आपला आभारी आहे, लवकरच भारतीय संघात पुनरागमन करेन, अशा आशयाचा संदेश देत बुमराहने आपल्या चाहत्यांचे आभार मानले आहेत.

२ ऑक्टोबरपासून भारत विरुद्ध दक्षिण आफ्रिका यांच्यात कसोटी मालिकेला सुरुवात होणार आहे. ३ टी-२० सामन्यांच्या मालिकेत दक्षिण आफ्रिकेने १-१ अशी बरोबरी साधली आहे. आफ्रिकेविरुद्ध टी-२० मालिकेत बुमराहला भारतीय संघात विश्रांती देण्यात आली होती. मात्र सध्या बुमराहला झालेली दुखापत पाहता बांगलादेशविरुद्ध मर्यादीत षटकांच्या मालिकेतही बुमराहला विश्रांती मिळण्याची शक्यता आहे.