धोनीच्या निवृत्तीबद्दल सौरव गांगुलीचं मोठं विधान, म्हणाला…

“निवड समिती धोनीबद्दल काय विचार करते हे मला जाणून घ्यायचं आहे, २४ तारखेला मी त्यांच्याशी भेटणार आहे. यानंतर मी माझं मत मांडेन. धोनीला नेमकं काय अपेक्षित आहे हे देखील आपल्याला पहावं लागणार आहे. यासंदर्भात मी त्याच्याशीही चर्चा करणार आहे.” इडन गार्डन्स मैदानाबाहेर सौरव गांगुली पत्रकारांशी बोलत होता.

अवश्य वाचा – मलाही इतरांप्रमाणे राग येतो, पण मी स्वतःवर नियंत्रण ठेवतो – धोनी

“धोनीबद्दल आतापर्यंत अंतर्गत काय घडामोडी घडल्या याबद्दल मला माहिती नाहीये. आता मी या गोष्टीत लक्ष घालू शकेन”, गांगुलीने आपलं मत मांडलं. २४ तारखेला बांगलादेशच्या आगामी भारत दौऱ्यासाठी संघाची घोषणा होणार आहे. याचदरम्यान सौरव गांगुली बीसीसीआयचा अध्यक्ष या नात्याने निवड समितीशी चर्चा करणार आहे. याचसोबत विराट कोहलीशीही याबद्दल चर्चा केली जाईल, असं गांगुलीने स्पष्ट केलं. बीसीसीआयच्या नवीन संविधानानुसार प्रशिक्षक रवी शास्त्री यांना या चर्चेत सहभागी होता येणार नाही. त्यामुळे धोनीबद्दल बीसीसीआयचं नवीन प्रशासन काय निर्णय घेतं हे पाहणं महत्वाचं ठरणार आहे.