‘लाल मातीचा बादशाह’ समजल्या जाणाऱ्या राफेल नदालचे विम्बल्डच्या हिरव्यागार कोर्टवरील आव्हान ऑस्ट्रेलियाच्या निक किर्गोसने संपुष्टात आणले. तसेच महिलांमध्ये नवव्या मानांकित अँजेलिक्यू कर्बरने पाचव्या मानांकित मारिया शारापोव्हाला नमवत सनसनाटी विजयाची नोंद केली. तथापि, रॉजर फेडररने विम्बल्डन टेनिस स्पर्धेच्या उपांत्यपूर्व फेरीत प्रवेश केला आहे.
यापूर्वी दोन वेळा विम्बल्डनचे जेतेपद पटकावणारा नदाल १५व्या ग्रँड स्लॅम जेतेपदासाठी उत्सुक होता. पण चौथ्या फेरीत त्याला किर्गोसकडून ६-७ (५), ७-५, ६-७ (५), ३-६ असा पराभव पत्करावा लागला.
काही दिवसांपूर्वीच झालेल्या फ्रेंच खुल्या स्पर्धेचे जेतेपद पटकावणारी शारापोव्हा या स्पर्धेतही जेतेपदाची मुख्य दावेदार होती. पण अटीतटीच्या मुकाबल्यात कर्बरने शारापोव्हाला ७-६ (७-४), ४-६, ६-४ असे नमवले. मात्र कर्बरने शानदार खेळ करत उपांत्यपूर्व फेरी गाठली. 
तिसऱ्या मानांकित सिमोना हॅलेपने झरीना दियासवर ६-३, ६-० असा दणदणीत विजय मिळविला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
