Wimbledon 2018 Women’s Single Final : सुपरमॉम सेरेनाला धक्का; कर्बरने जिंकले पहिलेवहिले विजेतेपद

कन्यारत्न झाल्यानंतर सेरेनाने या स्पर्धेतून टेनिसमध्ये ‘कमबॅक’ केले होते. त्यामुळे सेरेनाच्या या स्पर्धेकडून फार अपेक्षा होत्या. त्यानुसार सेरेनाने या स्पर्धेची अंतिम फेरी गाठली. पण अंतिम सामन्यात तिच्याकडून लौकिकाला साजेसा खेळ झाला नाही. कर्बरने सामन्यावर सुरुवातीपासून वर्चस्व राखले होते. कर्बरला सेरेनाकडून कडवी झुंज देण्यात येईल अशी अपेक्षा चाहत्यांना होती. मात्र हा सामना पूर्णपणे एकतर्फी झाला.

या विजयासह कर्बरने आपल्या कारकिर्दीतील पहिलेवहिले विम्बल्डन विजेतेपद पटकावले. हे तिच्या कारकिर्दीतील तिसरे ग्रँडस्लॅम विजेतेपद ठरले. याआधी कर्बरने ऑस्ट्रेलियन ओपन आणि अमेरिकन ओपन स्पर्धेचे प्रत्येकी १ विजेतेपद पटकावले होते. तिने हि दोन्ही विजेतेपदे २०१६ साली पटकावण्याची किमया केली होती.