महिला विश्वचषक स्पर्धेत साखळी फेरीतील शेवटच्या टप्प्यात घडामोडी वेगाने घडत आहे. उपांत्य फेरीत कोण स्थान निश्चित करणार याबाबत क्रीडाप्रेमींमध्ये चर्चा रंगली आहे. प्रत्येक संघ साखळी फेरीत प्रत्येकी सात सामने खेळणार आहे. आतापर्यंत प्रत्येक संघ ६ सामने खेळला आहे. तर वेस्ट इंडिज ७ आणि बांगलादेश ५ सामने खेळला आहे. त्यामुळे आता उपांत्य फेरीतील संघ निश्चित होत आहे. साखळी फेरीतील सहा पैकी सहा सामने जिंकत ऑस्ट्रेलियाने उपांत्य फेरीत स्थान पक्कं केलं आहे. तर दक्षिण अफ्रिका आणि वेस्ट इंडिज यांच्यातील सामना पावसाच्या व्यत्ययामुळे स्थगित झाल्याने गणितं बदलली आहेत. दोन्ही संघांना प्रत्येकी एक गुण देण्यात आला आहे. त्यामुळे ऑस्ट्रेलियानंतर उपांत्य फेरीत स्थान मिळवणारा दक्षिण अफ्रिका दुसरा संघ ठरला आहे. त्यामुळे उर्वरित दोन संघासाठी भारत, इंग्लंड आणि वेस्ट इंडिजमध्ये चुरस निर्माण झाली आहे. तर पाकिस्तान, बांगलादेश संघ स्पर्धेबाहेर गेला आहे. यजमान न्यूझीलंड संघही स्पर्धेबाहेर गेला आहे, मात्र एका गणितावर आशा जिवंत आहेत.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
