World Cup 2023: Afghanistan announces 15-man squad for World Cup 2023 Naveen-Ul-Haq returns

Afghanistan Cricket Team: भारतात होणाऱ्या एकदिवसीय विश्वचषकासाठी अफगाणिस्तान क्रिकेट संघाची घोषणा करण्यात आली. त्यात विराट कोहलीशी हुज्जत घालणाऱ्या नवीन उल हक याचाही समावेश करण्यात आला आहे.

आगामी विश्वचषकात विराट वि. नवीन असा २.० सामना पाहायला मिळू शकतो. सौजन्य- (ट्वीटर)

Afghanistan Team WC 2023: विराट कोहली हा टीम इंडियाचा असा स्टार फलंदाज आहे जो केवळ फलंदाजीसाठीच नाही तर त्याच्या आक्रमक स्वभावामुळेही प्रसिद्ध आहे. आयपीएल २०२३मध्ये विराट कोहलीबाबत सर्वात मोठा गदारोळ निर्माण झाला होता, जेव्हा तो अफगाणिस्तानचा अष्टपैलू नवीन उल हकशी भिडला होता. सामन्यातील हायव्होल्टेज संघर्षानंतर दोन्ही खेळाडूंनी सोशल मीडियावरही एकमेकांवर निशाणा साधला. तेव्हापासून या दोघांमध्ये अजिबात विस्तवही विझत नाही. आता पुन्हा एकदा दोन्ही खेळाडू आमनेसामने येणार आहेत. ते समोरासमोर आल्यावर काय होईल? याची चाहत्यांना उत्सुकता लागली आहे. आगामी विश्वचषकात विराट वि. नवीन असा २.० सामना पाहायला मिळू शकतो.

अफगाणिस्तानने विश्वचषकासाठी आपला १५ सदस्यीय संघ जाहीर केला आहे. यामुळे नवीन-उल-हक पुन्हा एकदा चर्चेत आला आहे. कारण, विश्वचषकात विराट आणि नवीन-उल-हक कधी आमनेसामने येणार, याची चाहत्यांना प्रतीक्षा लागली आहे. नवीनला अफगाणिस्तान बोर्डाने आशिया कपमध्ये संधी दिली नाही. त्यानंतर विश्वचषक स्पर्धेत पुनरागमन करणे कठीण होईल, अशी अटकळ बांधली जात होती. मात्र, अफगाणिस्तान क्रिकेटने विश्वचषकात नवीनची निवड करून सर्वांनाच आश्चर्यचकित केले आहे.

World Cup Bound AfghanAtalan Squad ?

Presenting before you the AfghanAtalan squad for the ICC Cricket World Cup 2023 in India. ?#AfghanAtalan | #CWC23 | #WarzaMaidanGata pic.twitter.com/r0SGg3KV8v
— Afghanistan Cricket Board (@ACBofficials) September 13, 2023

अफगाणिस्तानचा संघ ७ ऑक्टोबरला बांगलादेशविरुद्ध दोन हात करणार आहे. यानंतर ११ ऑक्टोबरला दिल्लीतील अरुण जेटली स्टेडियमवर यजमान टीम इंडियाशी भिडणार आहे. या सामन्याबद्दल सर्व क्रिकेट चाहते उत्सुक आहेत कारण, पुन्हा एकदा कोहली विरुद्ध नवीन उल हक मैदानावर एकमेकांसमोर उभे ठाकणार आहेत. आयपीएलमध्ये दोघांमध्ये जोरदार वाद झाला होता. लखनऊकडून खेळणाऱ्या नवीनची एका सामन्यादरम्यान विराट कोहलीसोबत भांडण झाले होते.

हेही वाचा: Joe Root: “रोहित-विराटला संघातून वगळणे…” वर्ल्डकपच्या पार्श्वभूमीवर इंग्लंडच्या जो रुटचे टीम इंडियातील वरिष्ठ खेळाडूंबाबत मोठे विधान

काय होतं संपूर्ण प्रकरण?

आयपीएल २०२३ दरम्यान, विराट कोहली आणि नवीन उल हक मैदानापासून हस्तांदोलनापर्यंत खूप चर्चेत होते. हस्तांदोलन करताना दोघांमध्ये बाचाबाची झाली. यानंतर लखनऊ सुपर जायंट्सचा मार्गदर्शक गौतम गंभीरनेही या भांडणात उडी घेतली होती. त्यामुळे विराट आणि गंभीर यांच्यात देखील बराच काळ वाद सुरु होता. आता विश्वचषकात विराट आणि नवीन उल हक एकमेकांना कसे सामोरे जातात हे पाहणे रंजक ठरणार आहे.

अफगाणिस्तानच्या विश्वचषक संघात राशिद खान, मोहम्मद नबी या अनुभवी खेळाडूंचाही समावेश आहे, जे सध्या या संघाचे मुख्य खेळाडू मानले जातात. या दोघांसह या संघात अनेक खेळाडू आहेत जे आयपीएल खेळतात आणि त्यांना येथील खेळपट्ट्यांची चांगली माहिती आहे.

हेही वाचा: Asia Cup 2023: श्रीलंकेविरुद्धच्या सामन्यापूर्वी पाकिस्तानला मोठा धक्का! नसीम शाह आशिया कपमधून बाहेर, हारिस रौफबाबत सस्पेन्स कायम

विश्वचषक २०२३साठी अफगाणिस्तानचा १५ सदस्यीय संघ

इब्राहिम झद्रान, रहमुल्ला गुरबाज, रहमत शाह, रियाझ हसन, नजीबुल्ला झदरन, मोहम्मद नबी, इक्रम अली खिल, अजमतुल्ला उमरझाई, राशिद खान, अब्दुल रहमान, नूर अहमद, मुजीब उर रहमान, फजलहक फारूक, नवीन उल हक.

First published on: 13-09-2023 at 22:00 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: World cup 2023 afghanistan squad announced naveen ul haq also included see list of 15 players avw

Afghanistan Team WC 2023: नवीन विरुद्ध विराट २.०! कोहलीशी पंगा घेणाऱ्या अफगाणी खेळाडूचा विश्वचषक २०२३च्या संघात समावेश

काय होतं संपूर्ण प्रकरण?

विश्वचषक २०२३साठी अफगाणिस्तानचा १५ सदस्यीय संघ