World Cup 2023: मोठी बातमी! सुरक्षेच्या कारणास्तव भारत-पाकिस्तान सामन्याची तारीख बदलली, ‘या’ दिवशी रंगणार महामुकाबला

या सामन्यावर जय शाह यांनीही मोठं वक्तव्य केलं आहे

टीव्ही टुडेच्या बातमीनुसार, भारत आणि पाकिस्तान यांच्यातील सामना आता एक दिवस आधी १४ ऑक्टोबरला खेळवला जाऊ शकतो. याशिवाय आणखी अनेक सामन्यांच्या वेळापत्रकात बदल होऊ शकतात. अलीकडेच बीसीसीआयचे सचिव जय शाह यांनी सांगितले होते की, “तीन देशांनी आयसीसीला पत्र लिहून वेळापत्रकात बदल करण्याची मागणी केली होती. मात्र, सामन्याच्या ठिकाणी कोणताही बदल करण्यात आलेला नाही.” एकदिवसीय विश्वचषकाचे वेळापत्रक पाहिल्यास ५ ऑक्टोबर ते १९ नोव्हेंबर या कालावधीत सामने खेळवले जाणार आहेत. यात एकूण १० संघ प्रवेश करत असून ४८ सामने खेळवले जाणार आहेत. याबाबतची अधिकृत माहिती ३१ जुलै रोजी दिली जाणार आहे.

आणखी वाचा

चॅम्पियन्स करंडकाबाबत संभ्रमच! वेळापत्रक घोषणेचा आजचा कार्यक्रम ‘आयसीसी’कडून रद्द

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

AUS vs PAK : पाकिस्तानने २२ वर्षांनी नोंदवला ऐतिहासिक विजय, भारताला मागे टाकत ‘हा’ खास पराक्रम करणारा ठरला पहिला आशियाई संघ

AUS vs PAK : पाकिस्तानने २२ वर्षांनंतर ऑस्ट्रेलियात फडकावला झेंडा, वर्ल्ड चॅम्पियन संघाला घरच्या मैदानावर पाजलं पाणी

विळखा काजळमायेचा!

मतदान दिनाच्या गमतीजमती!

IND vs SA सामन्यापूर्वी अचानक काही सेकंदात बंद झाले भारताचे राष्ट्रगीत, मग पुढे काय झालं? जाणून घ्या

पाकिस्तानात खेळण्यास नकारच! दुबईत सामने आयोजित करण्याची ‘बीसीसीआय’ची मागणी

हेही वाचा: IND vs WI: सूर्या की सॅमसन वर्ल्डकप २०२३मध्ये कोणाला मिळणार स्थान? तिसऱ्या ‘वन डे’नंतर होणार चित्र स्पष्ट

१४ ऑक्टोबर रोजी २ सामने आधीच ठरलेले आहेत

एकदिवसीय विश्वचषकाच्या वेळापत्रकाबद्दल बोलायचे झाल्यास, १४ ऑक्टोबर रोजी दोन सामने आधीच प्रस्तावित आहेत. अशा स्थितीत त्यादिवशी ३ सामने होणार का, हे पाहणे महत्त्वाचे ठरणार आहे. न्यूझीलंड आणि बांगलादेश चेन्नई येथे दिवसाच्या सामन्यात भिडतील. दुसरीकडे, १४ ऑक्टोबरला दुसऱ्या सामन्यात अफगाणिस्तान आणि इंग्लंड यांच्यात दिल्लीत सामना होणार आहे. या सामन्यातही बदल शक्य आहेत. भारतीय संघ आठ ऑक्टोबरपासून या स्पर्धेत पदार्पण करणार आहे. पहिल्या सामन्यात त्याला चेन्नईत ऑस्ट्रेलियाचा सामना करावा लागणार आहे.

नवरात्रीमुळे वेळापत्रकात बदल होणार आहे

सूत्रांनी दिलेल्या माहितीनुसार, भारत आणि पाकिस्तान यांच्यातील हा महामुकाबला आता एक दिवस आधी म्हणजेच १४ ऑक्टोबर रोजी खेळवला जाणार आहे. याशिवाय वर्ल्ड कपच्या वेळापत्रकात आणखी काही बदल होणार आहेत. हे सर्व बदल आज (३१जुलै) रोजी जाहीर केली जातील. नवरात्रोत्सवानिमित्त हा सर्व बदल करण्यात येत आहे. नवरात्रोत्सवाचा पहिला दिवस १५ ऑक्टोबरला येत आहे. गुजरातआमध्ये नवरात्रोत्सव जोरदार साजरा केला जातो. तिथे दांडिया, गरबा खेळला जातो. या पार्श्वभूमीवर सुरक्षा यंत्रणांनी बीसीसीआयला पत्र पाठवून विनंती केली होती की, सामन्याची तारीखेत तुम्ही बदल करावा. कारण त्या सामन्याला खूप प्रेक्षक येतील आणि त्यामुळे सुरक्षेचा प्रश्न निर्माण होईल.

हेही वाचा: IND vs WI: माजी खेळाडू व्यंकटेश प्रसाद टीम इंडियाच्या कामगिरीवर संतापला; म्हणाला, “पैसा आणि सत्ता असूनही…”

येथे समजून घेण्यासारखी गोष्ट म्हणजे विश्वचषकादरम्यान केवळ नवरात्रोत्सवच नाही तर दिवाळी, दसरा हे सणही येणार आहेत. अशा परिस्थितीत बीसीसीआयला विश्वचषक पार पाडण्यासाठी अनेक अडचणींचा सामना करावा लागू शकतो.