विश्वचषक बुद्धिबळ स्पर्धा : गुकेश,विदितचे आव्हान संपुष्टात; प्रज्ञानंद-अर्जुन लढत ‘टायब्रेकर’मध्ये

गुकेशला माजी जगज्जेता अग्रमानांकित मॅग्नस कार्लसन, तर विदितला अझरबैजानच्या निजात अबासोवविरुद्ध पराभव पत्करावा लागला. प्रज्ञानंद पहिल्या डावात अर्जुनकडून पराभूत झाला होता. मात्र, बुधवारी दुसऱ्या डावात प्रज्ञानंदने मुसंडी मारताना ७५ चालीत अर्जुनवर मात करून पारंपारिक पद्धतीमधील डाव १-१ असे बरोबरीत सोडवली. आता जलदगती पद्धतीमधील ‘टायब्रेकर’मध्ये या लढतीचा विजेता ठरेल.