World Cup 2023: विश्वचषकादरम्यान पाकिस्तानी खेळाडूंनी ड्रेसिंग रूममध्ये बाबर आझमशी भांडण केले का? पीसीबीने स्पष्टीकरण दिले

पीसीबीने सोमवारी राष्ट्रीय संघातील मतभेद आणि अंतर्गत संघर्षाचे वृत्त फेटाळून लावले. पीसीबीने बाबर आझमच्या नेतृत्वाखालील संघातील कोणत्याही अंतर्गत मतभेदाच्या चर्चांना नकार देत एक स्पष्टीकरण जाहीर केले. संघातील मतभेदाच्या अफवांमुळे पीसीबीला परिस्थिती स्पष्ट करणे भाग पडले आहे. पाकिस्तानमधील काही पत्रकारांनी संघातील कथित भांडणाची माहिती सोशल मीडियावर पोस्ट केली आहे. या पत्रकारांनी सोमवारी अफगाणिस्तानविरुद्धच्या सामन्यानंतर अधिक तपशील देण्याचे आश्वासन दिले.

हेही वाचा: PAK vs AFG: पाकिस्तानला उमगला ‘पॉवर प्ले’चा अर्थ! तब्बल ११६८ चेंडूंनंतर मारला षटकार, सोशल मीडियावर मीम्सचा पूर

पीसीबीने निराशा व्यक्त केली

या पत्रकारांच्या म्हणण्यानुसार, दोन खेळाडू एकमेकांशी भिडले त्यामुळे संघातील कलह वाढला आहे. यानंतर कर्णधार बाबरला खेळाडूंच्या गटातून परकेपणाचा सामना करावा लागत आहे. पीसीबीच्या प्रसिद्धीनुसार, “माध्यमांच्या एका विभागाद्वारे प्रसारित केलेल्या अफवांच्या विरोधात, पीसीबी स्पष्टपणे आश्वासन देते की संघ एकजूट आहे आणि या निराधार दाव्यांसाठी कोणतेही पुरावे नाहीत.” यामुळे अशा बातम्यांचे आम्ही खंडन करतो आहे.

अशी बातमी आशिया चषकादरम्यानही आली होती

पाकिस्तानच्या ड्रेसिंग रूमबद्दल अशा बातम्या येण्याची ही पहिलीच वेळ नाही. आशिया चषकातील पराभवानंतर बाबर आझम आणि शाहीन आफ्रिदी यांच्यात शाब्दिक चकमक झाल्याची चर्चा होती. त्यानंतर शाहीनने गोलंदाजांच्या टीकेवर बाबरशी वाद घातला होता. मात्र, नंतर हे दोन्ही खेळाडू अनेक कार्यक्रमांमध्ये एकत्र दिसले. त्यामुळे ही चर्चा या खोट्या असल्याचे नंतर सिद्ध झाले.

हेही वाचा: World Cup Points Table: भारतीय संघ उपांत्य फेरीच्या उंबरठ्यावर, आज पाकिस्तान हरला तर बाद होणार? समीकरण जाणून घ्या

अफगाणिस्तानला कठीण लक्ष्य मिळाले

पाकिस्तान संघाने नाणेफेक जिंकून प्रथम फलंदाजी करताना ५० षटकांत सात गडी गमावून २८२ धावा केल्या. त्याने अफगाणिस्तानला २८३ धावांचे कठीण लक्ष्य दिले. पाकिस्तानकडून बाबर आझम आणि अब्दुल्ला शफीक यांनी अर्धशतके झळकावली. बाबरने सर्वाधिक ७४ धावा केल्या. अब्दुल्ला शफीकने ५८ धावांची खेळी केली. अखेरच्या षटकांमध्ये शादाब खान आणि इफ्तिखार अहमद यांनी शानदार फलंदाजी करत संघाला २८२ धावांपर्यंत नेले. दोघांनी ४०-४० धावांचे योगदान दिले. सौद शकीलने २५ आणि इमाम उल हकने १७ धावा केल्या. मोहम्मद रिझवानला केवळ आठ धावा करता आल्या. शाहीन आफ्रिदी तीन धावा करून नाबाद राहिला. अफगाणिस्तानकडून नूर अहमदने तीन आणि नवीन उल हकने दोन गडी बाद केले. मोहम्मद नबी आणि अजमतुल्ला उमरझाई यांना प्रत्येकी एक यश मिळाले.

वर्ल्ड कपसाठी पाकिस्तानी संघ

बाबर आझम (कर्णधार), शादाब खान, फखर जमान, इमाम-उल-हक, अब्दुल्ला शफीक, मोहम्मद रिझवान, सौद शकील, इफ्तिखार अहमद, सलमान अली आगा, मोहम्मद नवाज, उसामा मीर, हरिस रौफ, हसन अली, शाहीन आफ्रिदी, मोहम्मद वसीम.