Women National Wrestling Championship: आधी मृत्यूचं वृत्त आणि आता कुस्तीपटू निशा दहियाने जिंकलं गोल्ड मेडल

“हा माझ्यासाठी एक सुखद धक्का असून शेवट चांगला झाला आहे. मी एक दिवसापूर्वी तणावात होती. मला झोपही लागली नाही. वजन कमी झाल्याने उर्जा कमी झाली होती. अशा वेळी सामना करणं कठीण होतं”, असं निशा दहियाने विजयानंतर सांगितलं.

काय होती घटना?
हलालपूर येथील सुशील कुमार कुस्ती अकादमीत निशा दहिया आणि तिच्या भावाची अज्ञात हल्लेखोरांनी गोळ्या झाडून हत्या केली, असे वृत्त समोर आले होते. या घटनेत निशा आणि तिचा भाऊ सूरजचा जागीच मृत्यू झाला आणि त्यांची आई धनपती यांची प्रकृती गंभीर असून तिला रोहतक पीजीआयमध्ये पाठवण्यात आले असल्याचे खोटे वृत्त समोर आले होते. मात्र मी ठीक असून मला काहीही झालेले नाही, असे निशाने सांगितले. निशाने गेल्या आठवड्यात बेलग्रेड येथे झालेल्या कुस्ती स्पर्धेत कांस्यपदक जिंकले होते. जागतिक २३ वर्षांखालील कुस्ती चॅम्पियनशिपच्या ६५ किलो वजनी गटात तिला हे पदक मिळाले. ती नुकतीच देशात परतली होती.