अधुरी एक कहाणी…

विनेश ही आशियाई आणि राष्ट्रकुल क्रीडा स्पर्धेतील सुवर्णपदक विजेती खेळाडू. यंदा तिसऱ्यांदा ऑलिम्पिक स्पर्धा खेळताना पदकाचे स्वप्न बाळगूनच ती पॅरिसमध्ये दाखल झाली होती. पहिल्याच फेरीत जागतिक विजेत्या आणि ऑलिम्पिकमधील गतविजेत्या जपानच्या युई सुसाकीला हरवून तिने सुवर्णपदकासाठीची दावेदारी भक्कम केली होती. आपली दमदार कामगिरी सुरू ठेवत विनेशने अंतिम फेरी गाठून इतिहास रचला. मात्र, अखेर तिला रिकाम्या हातीच मायदेशी परतावे लागणार आहे.

आणखी वाचा

श्याम बेनेगल यांचं निधन, समांतर सिनेमा जगणारा सच्चा दिग्दर्शक काळाच्या पडद्याआड

Madhuri Dixit : डर चित्रपट माधुरी दीक्षितने का…

महिलेच्या मृत्यूनंतरही अल्लू अर्जुन थिएटरमध्ये थांबला, तेलंगणाच्या मुख्यमंत्र्यांचा दावा; अभिनेता म्हणाला, “मी इतका…”

जैन साध्वी सोबत चालत जाणाऱ्या युवकाचा अपघाती मृत्यू

बापलेकाच्या नात्याची रंजक गोष्ट

इतिश्री : ‘क्लोजर’ हाच अंतिम उपाय

अल्लू अर्जुनच्या अटकेबद्दल बॉलीवूडमधून पहिली प्रतिक्रिया, अभिनेता म्हणाला, “घडलेली घटना दुर्दैवी, पण त्याचा दोष…”

‘कोकण हार्टेड गर्ल’ने लिहिलं ‘झी मराठी’च्या नव्या मालिकेचं गाणं! होणाऱ्या पतीसह दाखवली पहिली झलक, अंकिता म्हणाली…

हेही वाचा >>> केवळ खेळाडू नाही, सामूहिक जबाबदारी!

विनेश ५० किलो वजनी गटात खेळत होती. पहिल्या दिवशी विनेशचे वजन ४९.५ इतके भरले. मात्र, उपांत्य फेरीची लढत संपली, तेव्हा बाहेर पडल्यावर विनेशचे वजन ५२ किलोपर्यंत वाढले होते. या वाढलेल्या वजनाने घात केला आणि तिची ऑलिम्पिक पदकाची कहाणी पुन्हा अधुरी राहिली.

विनेश सर्वप्रथम २०१६ मध्ये रिओ ऑलिम्पिक स्पर्धेत ४८ किलो वजनी गटातून सहभागी झाली होती. तिची आगेकूच सुरू असतानाच गुडघ्याच्या दुखापतीमुळे तिचे आव्हान संपुष्टात आले. रिओमध्ये अर्धवट राहिलेले स्वप्न पूर्ण करण्यासाठी विनेश टोक्योत वजन वाढवून ५३ किलो गटातून सहभागी झाली. त्यावेळी ती जागतिक क्रमवारीत अग्रस्थानी होती. मात्र, निराशाजनक कामगिरीमुळे तिला नवव्या स्थानावर राहावे लागले. हा सहभाग तिच्यासाठी वादग्रस्त ठरला. बेशिस्त वर्तनाचा ठपका ठेवत भारतीय कुस्ती संघटनेने तिच्यावर बंदीही आणली. आपण काहीशा मानसिक तणावाखाली होतो असे तिने सांगितले.

त्यानंतर गेल्या दोन वर्षांत मॅटबाहेरील संघर्षामुळे पॅरिससाठी सराव करण्यास विनेशला फारसा वेळ मिळाला नव्हता. मग ५३ किलो वजनी गटातून संधी हुकल्यावर विनेशने ५० किलो वजनी गटाची निवड केली. परंतु ती ऑलिम्पिक पदकापासून पुन्हा वंचितच राहिली.